ჩენდუს 250-ქულიანი ტურნირი | ბასილაშვილმა გამარჯვებით დაიწყო

ნიკოლოზ ბასილაშვილმა ჩენდუს 250-ქულიანი ტურნირი გამარჯვებით დაიწყო. პირველ წრეში ქართველი ჩოგბურთელის მეტოქე არგენტინელი სებასტიან ბაესი (41) უნდა ყოფილიყო, თუმცა ის ავადმყოფობის გამო ტურნირს ჩაეხსნა, რის გამოც ბასილაშვილს ბრიტანელი ბილი ჰარისი (131) შეხვდა.

ქართველმა ჩოგბურთელმა პირველი სეტი ტაიბრეიქით მოიგო, მეორეში კი მეტოქე 6:3 დაამარცხა და შემდეგ ეტაპზე გავიდა.

ჩენდუს ტურნირის მერვედფინალში ბასილაშვილის მეტოქე მაკკენზი მაკდონალდი იქნება (98). მატჩი 20 სექტემბერს გამთენიისას გაიმართება.

მეოთხედფინალში გასვლის შემთხვევაში ქართველი ჩოგბურთელის მეტოქე დინო პრიზმიჩსა და ლორენცო მუზეტის შორის გამარჯვებული იქნება. აღსანიშნავია, რომ იტალიელი ტურნირზე 1-ელ ნომრად არის განთესილი.

Four qualifiers, four survivors ????
It all adds up to a strong start — and they’re still standing tall in Chengdu! ????
Nikoloz Basilashvili, Mackenzie McDonald, Alejandro Tabilo and Daniel Taro are in Round 2! pic.twitter.com/QTtbPFfjZi

— Chengdu Open (@ChengduOpen) September 18, 2025