ალ-ნასრი ძლიერდება | კინგსლი კომანი საუდის არაბეთში მიდის

კინგსლი კომანი „ბაიერნის“ დატოვებასთან ერთ ნაბიჯშია. ფრანგი ფეხბურთელის საკუთარ რიგებში ხილვით კრიშტიანუ რონალდუს „ალ-ნასრია“ დაინტერესებული და საუდის არაბული კლუბი დარწმუნებულია, რომ მიზანს მიაღწევს.

ფაბრიციო რომანოს ცნობით, კომანი და „ალ-ნასრი“ პირობებზე უკვე შეთანხმდნენ. კინგსლიმ მათ თანხმობა მისცა და კლუბებს შორის გამართული მოლაპარაკებების დასრულებას ელოდება. რომანოს მიხედვით, ტრანსფერს „ბაიერნის“ მწვანე შუქი აკლია.

რუდი გალეტი აცხადებს, რომ „ალ-ნასრის“ შეთავაზება 30 მილიონი ევროს ოდენობისაა და „რეკორდმაისტერი“ მას მომდევნო 24 საათში მიიღებს. დაიწერა, რომ „ალ-ნასრი“ ფერან ტორესის გაფორმებასაც ცდილობდა, მაგრამ რომანო ამ ინფორმაციას უარყოფს და აცხადებს, რომ ფერანთან მიმართებით „ალ-ნასრის“ ინტერესი არასდროს ჰქონია.

ცნობისთვის, კომანი „ბაიერნში“ 2015 წლიდან ასპარეზობს. თავდაპირველად, ის მიუნხენურ გრანდს იჯარის წესით შეუერთდა, შემდეგ კი „რეკორდმაისტერმა“ მისი კონტრაქტი გამოისყიდა. კინგსლი 29 წლის ფეხბურთელია და გარემარბის პოზიციაზე ასპარეზობს.