ალ-ნასრს კინგსლი კომანის დამატება სურს

კინგსლი კომანი შესაძლოა საუდის არაბეთის ჩემპიონატში გადავიდეს.

ცნობილი ინსაიდერის, ფაბრიციო რომანოს ინფორმაციით, „ალ-ნასრმა“ 29 წლის შესაძლო ტრანსფერთან დაკავშირებით, „ბაიერნთან“ მოლაპარაკებები დაიწყო.

ფრანგ ფეხბურთელს მიუნხენელებთან კონტრაქტი 2027 წლის 30 ივნისამდე აკავშირებს.

შეგახსენებთ, რომ გასულ სეზონში კომანმა ბუნდესლიგაში 28 მატჩი ჩაატარა, 5 გოლი გაიტანა და 4 საგოლე მოქმედება გააკეთა.

კინგსლი „ბაიერნის“ ღირსებას 2017 წლიდან იცავს. Transfermarkt-ზე მისი საბაზრო ღირებულება 30 მილიონი ევროა.