„რაც ილიაზე თქვა, სიმართლეა, მაგრამ...“ - კორმიე ჰოლოუეის კომენტარს გამოეხმაურა

კორმიე ჰოლოუეის განცხადებასაც შეეხო, რომელიც მაქსმა ილია თოფურიას მისამართით გააკეთა. „დალოცვილი“ ამბობდა, რომ „მატადორმა“ ყურადღება დიდი სახელების დამარცხების გამო მიიქცია და ხალხი მხოლოდ ამას აქცევს ყურადღებას.

რას ამბობს კორმიე:

„მაქსი ისეთივე ძლიერი და მოტივირებულია, უნდა, რომ BMF-ის ჩემპიონობა შეინარჩუნოს. თუ ასეთ სიტუაციებში გამარჯვება გინდა, დარწმუნებული უნდა იყო, რომ ბოლომდე მზად ხარ. მაქსისთვის ეს ბრძოლა იმაზე მეტია, ვიდრე ამ მებრძოლებს შორის გამართული ბოლო ბრძოლა, როდესაც „დალოცვილმა“ პორიე დააფინიშა. დასტინი კარიერას ასრულებს, მაქსი კი კვლავ აქ იქნება. თავის მხრივ, პორიეს სურს, რომ გამარჯვებული წავიდეს და ამისთვის ყველაფერს გააკეთებს.“

„თუ ამ წონაში ისევ ისეთი იქნება, როგორიც გეიჯისთან ბრძოლის დროს ვნახეთ, მაშინ გამარჯვების დიდი შანსები ექნება. ილიასთან მძიმე მარცხის შემდეგ მას ეს გამარჯვება სჭირდება. რასაც ვუყურებ, ვხედავ, რომ მისი წონის კლება კარგად მიდის. თავში არ აქვს ფიქრები - „უბრალოდ წადი და მოიგე ეს ბრძოლა“, ყველაფერს სერიოზულად უდგება. ის ილიასთან წაგებამაც არ შეაჩერა. იმ მარცხის შემდეგ კიდევ უნდა თოფურიასთან დაბრუნება და ყველაფრის გამოსწორება.“

„ისტორიის გათვალისწინებით, ვფიქრობ, რომ ჰოლოუეი ამ ბრძოლის მოგებასთან უფრო ახლოსაა. ყველაფერი, რაც თოფურიას გამარჯვებების სერიაზე თქვა, სიმართლე და ფაქტი იყო. პრობლემა კი ის არის, რომ ილიამ ნამდვილად გააკეთა ეს და ჩვენ მისი გაკეთებული საქმე უნდა დავაფასოთ.“

შეგახსენებთ, რომ მაქს ჰოლოუეისა და დასტინ პორიეს შორის BMF-ის ქამრისთვის ბრძოლა 20 ივლისს, თბილისის დროით 08:00 საათიდან გაიმართება.