3 ლელო ახალ ზელანდიასთან | 20-წლამდე ბორჯღალოსნების მეორე მატჩი მსოფლიოზე

საქართველოს 20-წლამდე მორაგბეთა ნაკრებმა მსოფლიო რაგბის 20-წლამდელთა ჩემპიონატზე მეორე შეხვედრა გამართა. ირლანდიასთან მატჩის შემდეგ, უმცროსი „ბორჯღალოსნები“ ახალ ზელანდიას დაუპირისპირდნენ და სამწუხაროდ, დამარცხდნენ.

შეხვედრა ჩვენი გუნდის უპირატესობით დაიწყო და შოთა ხელაძემ ლელო მალევე დადო. ახალმა ზელანდიელებმა ხუთ წუთში გაათანაბრეს და მე-16 წუთზე, გარდასახული ლელოთი, წონასწორობა აღადგინეს. მე-19 წუთზე მიხეილ შიოშვილმა მიითვალა ლელო და 20-წლამდელთა ნაკრები კიდევ ერთხელ დაწინაურდა - 14:7.

პირველი ტაიმის დარჩენილმა დრომ ახალი ზელანდიელების უპირატესობით ჩაიარა, რაც რიცხობრივი უპირატესობის მიღებით იყო განპირობებული, და მათ საწყისი 40 წუთი 31:14 მოიგეს. მეორე ნახევარში, გუნდებმა ლელოები გაცვალეს. უმცროსი „ბორჯღალოსნების“ მხრიდან მიხეილ ხახუბია გამოირჩა და საბოლოო ანგარიში ასეთი გახლდათ - 19:38.

ცნობისთვის, პირველ ტურში ახალმა ზელანდიამ მასპინძელი იტალია 14:5 დაამარცხა. საქართველომ თავისი შეხვედრა ირლანდიასთან 28:35 დათმო, თუმცა 4 ლელოს გატანისა და 7-ქულიანი სხვაობისთვის 2 საცხრილო ქულა აიღო. ჩვენი გუნდი მესამე შეხვედრას ტურნირის მასპინძელის წინააღმდეგ გამართავს.

RUGBYTV-ის ვიდეომასალა.