ჩიქოვანი შესაძლოა უოტფორდის პირველ გუნდს იანვრიდანვე შეუერთდეს
„უოტფორდი“ მზად არის საქართველოს 19-წლამდელთა ნაკრებისა და თბილისის „დინამოს“ ფორვარდი ნიკოლოზ ჩიქოვანი დაიმატოს და სეზონის დასაწყისშივე იჯარით გაუშვას. ინფორმაციას ბრიტანული Watford Observer-ი ავრცელებს.
„ახალგაზრდა თავდამსხმელი, რომელმაც „დინამოს“ მაისურით უკვე ცხრა შეხვედრა ჩაატარა, კლუბის მიერ ერთ-ერთ ყველაზე პერსპექტიულ ტალანტად არის შეფასებული და ინგლისელები არ აპირებდნენ ისე ხელიდან გაუშვან.
როგორც გასულ კვირას კლუბის სპორტულმა დირექტორმა ვალონ ბეჰრამიმ დაადასტურა, „უოტფორდი“ სატრანსფერო ფანჯრის ბოლომდე ახალი სახეების ძიებას გააგრძელებს.
ჩიქოვანი „უოტფორდში“ თანამემამულე გიორგი ჩაკვეტაძეს შეუერთდება. ახალგაზრდა თავდამსხმელი ინგლისელთა რადარზე დიდი ინტერესით მოხვდა და კლუბი მის ხელში ჩაგდებას ახლავე გეგმავს, რადგან იანვრამდე ან უფრო გვიან რომ გადაედო, შესაძლოა შესაძლებლობა დაკარგულიყო.
ეს ტრანსფერი ზუსტად ასახავს იმ სტრატეგიას, რომლითაც კლუბმა ბოლო წლების განმავლობაში არაერთი წარმატება მოიპოვა. ქართველი ფორვარდი მომავალში „უოტფორდს“ წარმატებას მოუტანს, მაგრამ შესაძლოა ის პირველ გუნდს უკვე იანვრიდანაც შეუერთდეს“.
- წერს ბრიტანული გამოცემა.
აქვე გეტყვით, რომ ნიკოლოზ ჩიქოვანი 2007 წელს არის დაბადებული და თბილისის „დინამოს“ აკადემიის აღზრდილია. ჩიქოვანი პოზიციით მარცხენა გარემარბია.
