ლოჩოშვილის კარგი მატჩი და მშრალად შენახული კარი | ნიურნბერგის პირველი ქულა

გერმანიის ბუნდესლიგა 2-ის მეოთხე ტურში ლუკა ლოჩოშვილის „ნიურნბერგი“ „პადერბორნს“ დაუპირისპირდა. ქართველი ფეხბურთელის გუნდმა მიმდინარე სეზონში პირველი ქულა აიღო და მატჩი ფრედ, 0:0 დასრულდა.

ლოჩოშვილმა შეუცვლელად ითამაშა და კარგი შთაბეჭდილება დატოვა. ქართველი ფეხბურთელი დაცვაში საიმედო იყო და რამდენჯერმე შეტევაში აქტიურად ჩაერთო. ლუკამ Sofascore-ისგან და Whoscored-ისგან ერთნაირი შეფასებები მიიღო - 7.6.

ლოჩოშვილი ბურთს 55-ჯერ შეეხო და 38-დან 33 ზუსტი გადაცემა გააკეთა. ქართველ მცველს ორი საკვანძო პასი ჰქონდა და 13-დან 7 ორთაბრძოლა მოიგო. ლუკამ ორი დარტყმა დაბლოკა, სამი ვარდნა ჰქონდა და სახიფათო სიტუაცია 4-ჯერ განმუხტა.

ცნობისთვის, „ნიურნბერგს“ 1 ქულა აქვს და სატურნირო ცხრილის ბოლო ადგილზე იმყოფება. ქართველი ფეხბურთელის გუნდი მომდევნო შეხვედრას სანაკრებო პაუზის შემდეგ გამართავს და 13 სექტემბერს „კარლსრუეს“ დაუპირისპირდება.