ჩემპიონთა ლიგის საკვალიფიკაციო ეტაპი | იბერია 1999-ის პირველი მეტოქე ცნობილია
შვეიცარიის ქალაქ ნიონში, ჩემპიონთა ლიგის 2025/26 წლების სეზონის პირველი საკვალიფიკაციო ეტაპის წილისყრა გაიმართა. ევროპის ყველაზე პრესტიჟული ტურნირის ჯგუფურ ეტაპზე მოსახვედრად „იბერია 1999“ იბრძვის და მისი მეტოქის ვინაობა ცნობილი გახდა.
„იბერია 1999“-ს არ გაუმართლა და მისი მოწინააღმდეგე „მალმიოა“. თბილისური კლუბი პირველ შეხვედრას საკუთარ კედლებში გამართავს, განმეორებითი მატჩს კი შვედეთი უმასპინძლებს.
ცნობისთვის, საკვალიფიკაციო ეტაპის პირველი მატჩები 8/9 ივლისს გაიმართება, საპასუხო შეხვედრები კი 15/16 ივლისს არის ჩანიშნული. 20 ივნისს, უეფა გამოაცხადებს, რომელი წყვილი რომელ დღეს ითამაშებს.
გეტყვით იმასაც, რომ „იბერია 1999“-ის სავარაუდო მეტოქეთა შორის „მალმიო“, „ჟალგირისი“, „რფს“, „კუპსი“ და „ნიუ სეინთსი“ იყვნენ. ლაშა ოდიშარიას „რფს“ „ლევადიას“ ხვდება. გიორგი ზარიასა და ლუკა გადრანის „კაირათი“ ლუბლიანას „ოლიმპიას“ დაუპირისპირდება.
