ნური შაჰინი
Aa
Aa

დორტმუნდი უმწვრთნელოდ დარჩა | ვინ შეცვლის ნური შაჰინს

ნური შაჰინი დორტმუნდის „ბორუსიას“ მთავარი მწვრთნელის თანამდებობიდან გაათავისუფლეს. ინფორმაცია ამის შესახებ გერმანული კლუბის ოფიციალურ ვებგვერდზე გამოქვეყნდა.

Sky Sport-ის ინფორმაციით, ფეხბურთელებმა და თავად შაჰინმა ხელმძღვანელობის ამ გადაწყვეტილების შესახებ გუშინ, ბოლონიის სასტუმროში გაიგეს.

აღსანიშნავია, რომ „დორტმუნდს“ ზედიზედ 4 წაგება დაუგროვდა. ბუნდესლიგაში გუნდი მე-10 პოზიციაზეა, ხოლო ჩემპიონთა ლიგის სატურნირო ცხრილში ამ დროისთვის მე-13 პოზიციაზეა.

გუშინ „დორტმუნდი“ „ბოლონიასთან“ დამარცხდა (1:2), მატჩის შემდეგ კი შაჰინმა გადადგომის მზადყოფნა გამოთქვა.

„თუ მწვრთნელის შეცვლა ყველა პრობლემას მოაგვარებს, მე მზად ვარ. გუნდის თამაშზე მე ვარ პახუსისმგებელი. ფაქტია, რომ ზედიზედ 4 წაგება გვაქვს“, - განაცხადა 36 წლის სპეციალისტმა.

ცნობისთვის, ნური შაჰინმა „დორტმუნდი“ 2024 წლის ზაფხულში ჩაიბარა. მისი ხელმძღვანელობით გუნდმა 27 მატჩიდან 12 მოიგო, 11 წააგო, 4 კი ფრედ დაასრულა.

გერმანული მედიის ინფორმაციით, „დორტმუნდი“ შესაძლოა ერიკ ტენ ჰაგმა ჩაიბაროს, რომელსაც გერმანიაში („ბაიერნის“ მეორე გუნდში) მუშაობის გამოცდილება აქვს.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    მსოფლიოს ყველაზე ძვირადღირებული მეკარეების რეიტინგი | პირველზე მამარდაა
    მსოფლიოს ყველაზე ძვირადღირებული მეკარეების რეიტინგი | პირველზე მამარდაა