„პირველი მატჩის შედეგი არაფერს ნიშნავს“ - დეჩიჩის მწვრთნელი ბათუმის დინამოსთან მატჩზე
მონტენეგრული „დეჩიჩის“ მწვრთნელმა, მილორად პეკოვიჩმა ბათუმის „დინამოსთან“ საპასუხო მატჩამდე გამართულ პრესკონფერენციაზე ჟურნალისტების კითხვებს უპასუხა.
რა თქვა პეკოვიჩმა:
„ბათუმში პირველი თამაშისა და შედეგის შემდეგ, ოპტიმისტურად განწყობის საფუძველი გვაქვს. პირველ თამაშში კარგად, ორგანიზებულად ვითამაშეთ. რაც შეეხება მეორე მატჩს, მნიშვნელოვანია გვესმოდეს, რომ პირველი მატჩის შედეგი გარკვეული უპირატესობაა, მაგრამ მომდევნო ეტაპზე გასვლის გარანტია არ არის“.
„დინამო“ ძალიან კარგი გუნდია, რომელიც მაღალ სისწრაფეზე თამაშობს. საპასუხო მატჩში ველოდები, რომ, შესაძლოა, ქართველებმა კიდევ უფრო აგრესიულად ითამაშონ, რადგან მოგება სჭირდებათ“.
„ბათუმში ამისთვის მოვემზადეთ, თავს ორგანიზებულად ვიცავდით და მეტოქის დაცვაში სივრცეების გახსნას ველოდით, როცა შანსი მოგვეცა, მიზანს ორჯერ მივაღწიეთ. რა თქმა უნდა, საპასუხო მატჩშიც იქნება გოლის გატანის შესაძლებლობა, ბურთი მეტად უნდა გავაკონტროლოთ და სასურველ შედეგს მივაღწიოთ“.
„ვერ ვიტყვი, რომ პირველ თამაშში მეტოქემ არ დაგვაფასა, მაგრამ მეორე თამაშს უფრო მომზადებულები შეხვდებიან. ახლა ისევ ჩვენზეა ყველაფერი დამოკიდებული – თუ მიდგომა ისეთივე გვექნება, როგორც ბათუმში, ვფიქრობ, წარმატებას მივაღწევთ“.
შეგახსენებთ, რომ კონფერენს ლიგის საკვალიფიკაციო ეტაპის პირველი მატჩი, რომელიც ბათუმში გაიმართა, „დეჩიჩის“ გამარჯვებით, 0:2 დასრულდა. საპასუხო მატჩი 30 აპრილს, საქართველოს დროით 23:00 საათზე გაიმართება.
