რატომ ჩაიშალა იუნაიტედში ბელინგემის ტრანსფერი? | სულშერმა დეტალები გაამხილა
2020 წელს, სანამ ჯუდ ბელინგემი „ბირმინგემიდან“ „ბორუსია დორტმუნდში“ გადავიდოდა, „მანჩესტერ იუნაიტედში“ მისი თითქმის შემდგარი ტრანსფერი ჩაიშალა. ამის შესახებ „წითელი ეშმაკების“ ნორვეგიელმა ლეგენდამ ოლე გუნარ სოლსკიაერმა talksports-თან ისაუბრა
რა თქვა სულშერმა:
ყველაფერი კარგად მახსოვს. მთავარ მწვრთნელად ახალი დანიშნული ვიყავი, როდესაც 17 წლის ჯუდი ჩვენთან, „ქერინგტონის“ ბაზაზე იმყოფებოდა. ჩემს გარდა, მას იუნაიტედის ლეგენდები, სერ ალექს ფერგიუსონი, ბრაიან რობსონი, როი კინი და ერიკ კანტონა ესაუბრნენ. თუმცა, ბელინგემი მაშინვე მიზანდასახული და ამბიციური იყო - ის მოითხოვდა თავიდანვე მთავარ გუნდში რეგულარულ სათამაშო პრაქტიკას და როდესაც ეს ვერ მიიღო, გერმანიაში წასვლა გადაწყვიტა.
ჯუდ ბელინგემი მადრიდის „რეალმა“ გასულ ზაფხულს „დორტმუნდიდან“ 103 მილიონად შეიძინა. 16 გოლით ის ლა ლიგის ბომბარდირთა დავის ლიდერია, ჩემპიონთა ლიგაში კი მის ანგარიშზე 4 ბურთია.
