„გადაუარა და დაასრულა! თოფურიამ მეფე ტახტიდან ჩამოაგდო“ - ესპანური პრესა
UFC 298-ზე მთავარი მოვლენა ქვემსუბუქი წონითი დივიზიონის საჩემპიონო ბრძოლა იყო, რომელშიც ილია თოფურიამ ალექს ვოლკანოვსკი მეორე რაუნდში ნოკაუტით დაამარცხა და საჩემპიონო ქამარი მოიპოვა.
ამ ისტორიულ მოვლენას ესპანური პრესაც გამოეხმაურა:
Marca:
„ილია თოფურია თავის ბედისწერას ასრულებს და ვოლკანოვსკის ნოკაუტით ამარცხებს. ის UFC-ის იპყრობს. ილია ისტორიაში შევიდა. ისეთ ლეგენდებს უტოლდება, როგორებიც ადესანია და ნურმაგომედოვი არიან“.
AS:
„შთამბეჭდავი ნოკაუტი, რომელიც თოფურიას UFC-ის მეფეს ხდის. ილიას დარტყმების შესანიშნავმა კომბინაციამ ვოლკანოვსკი დაასრულა. თოფურიამ მას გადაუარა. ესპანელ-ქართველმა წონაში საუკეთესო მებრძოლს ჩემპიონობა ჩამოართვა“.
Mundo Deportivo:
„ისტორიული დღე! ილია თოფურია მსოფლიო ჩემპიონია. მეორე რაუნდში სასტიკი ნოკაუტით“.
SPORT:
„ილია თოფურიამ მეფე ტახტიდან ჩამოაგდო და ახალი ისტორია დაიწყო. ესპანელ-ქართველი ვოლკანოვსკის მოთმინებით ელოდა, რომ თავდაცვისას შეცდომა დაეშვა, სანამ მას დასაძინებლად გაგზავნიდა“.
შეგახსენებთ, რომ სუპერმსუბუქ წონაში მერაბ დვალიშვილმა ჰენრი სეხუდო დაამარცხა და დენა უაითმა განაცხადა, საჩემპიონო ბრძოლას მიიღებს.
