მარიამ ბოლქვაძე შარმ ელ შეიხის ტურნირის გამარჯვებულია
ეგვიპტის ქალაქ შარმ ელ შეიხში ITF-ის ტურნირის გამარჯვებული ქართველი ჩოგბურთელი მარიამ ბოლქვაძე გახდა.
შარმ ელ შეიხის ტურნირის ფინალურ შეხვედრაში ბოლქვაძემ ელენა პრიდანკინა ორ სეტში დაამარცხა - 6:0, 6:3.
საჩემპიონო გზაზე ბოლქვაძემ ერთი იტალიელი და ოთხი რუსი ჩოგბურთელი დაამარცხა.
მარიამის მეტოქე მსოფლიოს ქალ ჩოგბურთელთა (WTA) რეიტინგში 343-ე ჩოგანი გახლავთ.
რაც შეეხება მარიამს, ის ამ მომენტისთვის კლასიფიკაციაში 452-ე ადგილზეა. ბოლქვაძემ კარიერაში ITF-ის მე-20 ტურნირი მოიგო.
