ლაპორტა: ლა ლიგა პრემიერლიგაზე კონკურენტუნარიანია

ჟოან ლაპორტა უარყოფს, რომ ლა ლიგამ მიმზიდველობა დაკარგა.

„ეს არასწორია. ესპანეთის ლიგა ევროპაში ყველაზე კონკურენტუნარიანია, ჩემი აზრით, პრემიერლიგაზე მეტადაც კი.

ჩვენ გვყავს ბარსელონა, მადრიდის რეალი, ატლეტიკო მადრიდი და რეალ სოსიედადი. ყველა ეს გუნდი ახლა ჩემპიონთა ლიგაზე თამაშობს. ეს არის შესანიშნავი სეზონის საბოლოო გამოხატულება.

ჟირონა პირველ ადგილს იკავებს და თამაშობს ლამაზ, ძალიან კონკურენტულ ფეხბურთს. ლიგა, რომელსაც ჰყავს ბილბაო, ვალენსია და ვილიარეალი, არ შეიძლება იყოს სუსტი.

ლა ლიგა ერთ-ერთი ყველაზე კონკურენტუნარიანი ლიგაა ევროპაში. ესპანურ გუნდებს, სხვა ლიგების ნებისმიერი გუნდის წინააღმდეგ თამაში შეუძლიათ.

ჩვენი გუნდებიც კი, რომლებიც არ არიან მწვერვალზე, შესანიშნავ ფეხბურთს თამაშობენ. მაგალითად, სევილია არ ატარებს საუკეთესო სეზონს, მაგრამ ძალიან კარგი გუნდია და შესანიშნავ ფეხბურთს თამაშობს.

და ბეტისიც, ყველა ამ გუნდს გარანტირებულად შეუძლია კონკურენცია გაუწიოს სხვა ევროპულ კლუბებს. ამიტომ ესპანეთის ლიგა არის ყველაზე კონკურენტუნარიანი ლიგა ევროპაში და მსოფლიოში“,

- განაცხადა „ბარსელონას“ პრეზიდენტმა.