ორმაგი დუბლი და მატჩის MVP - შენგელიას შთამბეჭდავი თამაში
იტალიის საკალათბურთო ჩემპიონატში „ვირტუს ბოლონიამ’’ „ტრევიზო’’ 91:77 დაამარცხა.
თორნიკე შენგელიამ გამარჯვებულთა სასტარტო ხუთეულში ითამაშა, ორმაგი დუბლი შეასრულა და მატჩის MVP გახდა, 25 წუთში 20 ქულა ჩააგდო. ასევე, მის აქტივში 10 მოხსნა, 5 პასი, 4 ჩაჭრა და 1 დაფარებაა. მისმა სარგებლიანობის კოეფიციენტმა +18 შეადგინა.
იტალიის საკალათბურთო ჩემპიონატის მიმდინარე სეზონში „ვირტუს ბოლონიამ’’ 7-დან 6 მატჩი მოიგო, მხოლოდ 1 დათმო და 12 ქულით პირველ ადგილზეა. იტალიის ჩემპიონატში „ვირტუს ბოლონია'' შემდეგ მატჩს „ბრეშასთან'' გამართავს (20 ნოემბერი).
შეგახსენებთ, ოქტომბერში შენგელია ევროლიგისა და იტალიის ჩემპიონატის MVP გახდა.
???????????????? ???????? MVP di ottobre ????@LegaBasketA #AmarsiAncora pic.twitter.com/6jJmlL1kPG
— Virtus Segafredo Bologna (@VirtusSegafredo) November 11, 2023
