საოცარი ფინალი | ნოვაკ ჯოკოვიჩმა კარლოს ალკარასი დაამარცხა
ნოვაკ ჯოკოვიჩმა და კარლოს ალკარასმა კიდევ ერთი დაუვიწყარი ფინალი გვაჩუქეს. ცინცინატის მასტერსის გადამწყვეტ შეხვედრაში, 3-სეტიანი ბრძოლა ვიხილეთ, რომელიც სერბი ჩოგბურთელის გამარჯვებით დასრულდა - 5:7, 7:6 (9:7), 7:6 (7:4).
ალკარასი მიზანთან ძალიან ახლოს იყო და მეორე სეტის ტაიბრეიკზე მატჩბოლიც ჰქონდა, მაგრამ „ნოლემ“ შეუდარებლად იასპარეზა და კარიერაში 39-ე მასტერსი მოიგო, რითაც საკუთარი რეკორდი გააუმჯობესა. ჯოკოვიჩმა გამარჯვება ემოციურად აღნიშნა და მაისური შემოიხია, ალკარასმა კი წაგების გამო, ცრემლები ვერ შეიკავა.
WHAT. A. VIDEO.
— Olly ???????????? (@Olly_Tennis_) August 21, 2023
23 Majors, most weeks at #1, most Masters 1000s ever,
AND LOOK WHAT IT MEANS!
Djokovic, Novak, 36 years-old. pic.twitter.com/jDgZn1pRwH
„ჩემი ცხოვრების ერთ-ერთი ყველაზე რთული და საინტერესო მატჩი. ისეთი შეგრძნება დამრჩა, თითქოს დიდი სლემის ფინალი იყო და იმედი მაქვს, ნიუ-იორკშიც შევხვდებით. კარლოს, ღმერთო ჩემო, შენ არასდროს ნებდები. შენში ეს ძალიან მომწონს“, - განაცხადა ჯოკოვიჩმა ფინალის შემდეგ.
ცნობისთვის, „ნოლემ“ კარიერაში 95-ე ტიტული მოიგო და ATP-ის ღია ეპოქაში მოგებული თასების რაოდენობით მე-3 ადგილზე გადაინაცვლა. მასზე მეტი ტიტული მხოლოდ ჯიმი კონორსსა და როჯერ ფედერერს აქვთ მოგებული.
