რუს მეტოქეს ხელი არ ჩამოართვა | ამის გამო უკრაინელს დისკვალიფიკაცია მისცეს
იტალიის ქალაქ მილანში ფარიკაობის მსოფლიო ჩემპიონატი მიმდინარეობს, რომელიც საყოველთაო ყურადღების ცენტრში მოექცა. ეს უკრაინელი მოფარიკავის ჟესტმა და ფარიკაობის საერთაშორისო ფედერაციის გადაწყვეტილებამ განაპირობა, რომელიც მას მოჰყვა.
მსოფლიო ჩემპიონატის 1/32-ფინალში უკრაინელი ოლგა ხარლანი რუს ანა სმირნოვას დაუპირისპირდა. ხარლანმა 15:7 იმარჯვა და მომდევნო ეტაპზე გავიდა. მატჩის დასრულების შემდეგ, სმირნოვამ, რომელიც მსოფლიო ჩემპიონატზე ნეიტრალური სტატუსით გამოდის, დააპირა, მეტოქისთვის ხელი ჩამოერთმია, მაგრამ უკრაინელისგან, გასაგები მიზეზების გამო, უარი მიიღო.
#Ukrainian fencer Olga Kharlan refused to shake hands with her rival from #Russia Anna Smirnova.
— NEXTA (@nexta_tv) July 27, 2023
The Ukrainian defeated the Russian woman at the World Championships with a score of 15:7. pic.twitter.com/XHTPb1kyDy
ფარიკაობის საერთაშორისო ფედერაციამ, ზემოთ ხსენებული ჟესტის გამო, ხარლანს მომდევნო ეტაპზე წაგება ჩაუთვალა და ოლგა ტურნირს გამოეთიშა. FIE-ს რეგლამენტის მიხედვით, საფინალო ქულის აღების შემდეგ, სპორტსმენები ერთმანეთს უნდა მიესალმონ და ხელი ჩამოართვან, შეხვედრა დასრულებულად მხოლოდ ამის შემდეგ ითვლება. თუ ერთ-ერთი სპორტსმენი ამაზე უარს იტყვის, მსაჯებმა დისკვალიფიკაციით უნდა დასაჯონ.
აღსანიშნავია, რომ მატჩის დასრულების შემდეგ, სმირნოვას საფარიკაო ბილიკი 1.5 საათის განმავლობაში არ დაუტოვებია და მასთან მსაჯები რამდენჯერმე მივიდნენ. სხვათა შორის, ფარიკაობის საერთაშორისო ფედერაციამ გამოკვლევა ჩაატარა და დაასკვნა, რომ სმირნოვას რუსეთის სამხედრო აგრესიასთან და სამხედრო პროპაგანდასთან არანაირი კავშირი არ ჰქონდა. არადა, „ინსტაგრამზე“ ასეთი ფოტო უდევს...
> prominent anti-war russian fencer Anna Smirnova
— Dimko Zhluktenko ???????? (@dim0kq) July 27, 2023
> @FIE_fencing validated that she has no connection with the military whatsoever and allowed to participate without russian flag
> literally her instagram is she with her brother saluting russia for committing genocide pic.twitter.com/GVgnUkToTq