ალკარასის დომინაცია | მედვედევი სამ სეტში დაამარცხა და ფინალში გავიდა
მსოფლიოს პირველი ჩოგანი, კარლოს ალკარასი „უიმბლდონის“ ფინალში გავიდა. ნახევარფინალში, ესპანელი ჩოგბურთელი დანიილ მედვედევს დაუპირისპირდა და რუსი მეტოქის წინააღმდეგობა 3 სეტში დაძლია - 6:3, 6:3, 6:3.
Clinical Carlos ????????@carlosalcaraz comfortably moves past No.3 seed Daniil Medvedev 6-3, 6-3, 6-3 to move into his first Wimbledon final ????#Wimbledon pic.twitter.com/ZJO1hlYcOI
— Wimbledon (@Wimbledon) July 14, 2023
მატჩი თანაბარ ბრძოლაში დაიწყო და პირველ სეტში გადამწყვეტი მერვე გეიმი აღმოჩნდა. ალკარასმა ბრეიკპოინტი გამოიყენა და საკუთარ ჩაწოდებაზე უშეცდომო იყო. იგივე სცენარი ვიხილეთ მეორე სეტში. განსხვავება ის იყო, რომ ალკარასმა ორი ბრეიკი შეასრულა და სოლიდური უპირატესობა მოიპოვა.
ესპანელი ჩოგბურთელი მესამე პარტიის სტარტზეც დომინანტი იყო და ზედიზედ 3 გეიმი აიღო. 1:3-ზე, მედვედევმა ბრეიკპოინტი გამოიყენა, თუმცა მეტოქეს უკუბრეიკის შესრულების უფლება მისცა. ამას მედვედევის კიდევ ერთი ბრეიკი და ალკარასის მორიგი უკუბრეიკი მოჰყვა. საბოლოოდ, ესპანელმა მატჩზე მოწოდების უფლება მიიღო და საქმე ბოლომდე მიიყვანა.
The courtside view of that match point is something else ????????#Wimbledon | @carlosalcaraz pic.twitter.com/b2J4IgcDsF
— Wimbledon (@Wimbledon) July 14, 2023
ალკარასმა ზედიზედ მე-11 მატჩი მოიგო და დიდი სლემის ტურნირის ფინალში კარიერაში მეორედ გავიდა. იგი ნოვაკ ჯოკოვიჩს დაუპირისპირდება, რომელთანაც კარიერაში მესამე შეხვედრას გამართავს. აქამდე, მათ მხოლოდ თიხაზე უთამაშიათ და ურთიერთშეხვედრებში თითო-თითო მოგება აქვთ.
Sunday 16 July. Centre Court. No.1 vs No.2.#Wimbledon | @carlosalcaraz | @DjokerNole pic.twitter.com/DWTjbrwr1u
— Wimbledon (@Wimbledon) July 14, 2023
