ლებრონის ისტორიული მატჩი | დასავლეთ კონფერენციის მეფე დენვერია
Aa Aa
23 მაისი 2023  |  08:44

ლებრონის ისტორიული მატჩი | დასავლეთ კონფერენციის მეფე დენვერია

NBA-ის ნაციონალური საკალათბურთო ასოციაციის სუპერფინალური სერიის პირველი მონაწილის ვინაობა ცნობილია. „დენვერ ნაგეთსმა“ „ლოს ანჯელეს ლეიკერსი“ ზედიზედ მეოთხედ დაამარცხა, სერიაში 4:0 იმარჯვა და დასავლეთ კონფერენცია მოიგო.

„დენვერი“ სუპერფინალურ სერიაში პირველად გავიდა და ეს ბრწყინვალე მეორე ტაიმის დამსახურება გახლდათ. „ლეიკერსმა“ მატჩი შესანიშნავად დაიწყო და პირველი მეოთხედი 6, ხოლო მეორე მეოთხედი 9 ქულით მოიგო. „დენვერი“ თამაშში მესამე მეოთხედში დაბრუნდა, რომელშიც მეტოქეზე 20 ქულით მეტი ჩააგდო - 36:16. გამარჯვებულის ბედი ბოლო წამებზე გაირკვა. „ლეიკერსი“ 2 ქულით აგებდა და ლებრონ ჯეიმსს ანგარიშის გათანაბრება ორჯერ შეეძლო, მაგრამ არაფერი გამოუვიდა და მისი გუნდი 111:113 დამარცხდა.

წაგების მიუხედავად, „მეფემ“ ისტორიული შეხვედრა ჩაატარა და 40 ქულა, 10 მოხსნა, 9 შედეგიანი გადაცემა და 2 ჩაჭრა მიითვალა. ლებრონი ყველაზე ასაკოვანი კალათბურთელი გახდა, რომელმაც პლეიოფში 40-ქულიანი შეხვედრა ჩაატარა. ამასთან, პლეიოფში ჩაგდებული ქულების რაოდენობით, მან 8000-იანი ნიშნული გადალახა. ჯეიმსის გარდა, 21 ქულითა და 14 მოხსნით ენტონი დევისი გამოირჩა, ოსტინ რივზს კი 17 ქულა ჰქონდა.

„დენვერს“ ნიკოლა იოკიჩმა ულიდერა - 30 ქულა, 14 მოხსნა, 13 შედეგიანი გადაცემა, 3 დაფარება, 1 ჩაჭრა. აარონ გორდონს 22 ქულა, 6 მოხსნა და 5 ასისტი ჰქონდა. ჯამალ მიურეიმ 25 ქულა ჩააგდო, მაიკლ პორტერ ჯუნიორმა კი მატჩი 15 ქულითა და 10 მოხსნით დაასრულა.

მსგავსი სიახლეები

ცხელი ამბები

ეს გვერდი უკეთ ჩანს მობილურ აპლიკაციაში
ასევე დაგაინტერესებთ
ESPN Brasil: ვინისიუსი რეალიდან წასვლას განიხილავს
ESPN Brasil: ვინისიუსი რეალიდან წასვლას განიხილავს