სამბოს ნაკრების წარმატება | გიორგი ქავთარაძე ევროპის ჩემპიონია
ისრაელის ქალაქ ჰაიფაში, სამბოს ევროპის ჩემპიონატი მიმდინარეობს და ტურნირის მეორე დღე საქართველოს ნაკრებისთვის წარმატებული გამოდგა. ქართველმა ფალავანმა, გიორგი ქავთარაძემ, რომელიც +98 წონით კატეგორიაში ასპარეზობს, ბრწყინვალედ იასპარეზა და ევროპის ჩემპიონი გახდა.
ქავთარაძემ გადამწყვეტი შეხვედრა ვლადიმირ გაიიჩის წინააღმდეგ გამართა და სერბ სამბოისტს შანსი არ დაუტოვა. გიორგიმ გამარჯვება დომინანტურ სტილში დაისაკუთრა და საქართველოს ნაკრებს პირველი ოქრო მოუტანა.
Beginning of dialog window. Escape will cancel and close the window.
End of dialog window.
ცნობისთვის, საქართველოს ნაკრების ანგარიშზე 5 მედალია და საერთო ჩათვლაში, მეოთხე ადგილზე ვიმყოფებით. დავით ლორიაშვილმა და ვახტანგ ჩიდრაშვილმა ვერცხლის მედლები აიღეს, ხოლო მინდია ლილუაშვილი და ელენე ქებაძე ბრინჯაოს დასჯერდნენ.
