Lega A-ს ოცნების გუნდში მოხვდა | თორნიკე შენგელიას აღიარება
საქართველოს ნაკრებისა და „ვირტუს ბოლონიას“ კალათბურთელი, თორნიკე შენგელია იტალიის ჩემპიონატის 26-ე ტურის ოცნების გუნდში მოხვდა. სიმბოლური ნაკრები გულშემატკივრებმა შეადგინეს და ქართველი მძიმე ფორვარდი გამოარჩიეს.
შენგელიას გარდა ოცნების გუნდში დევიდ ლოგანი (18 ქულა, 4 მოხსნა, 5 შედეგიანი გადაცემა), დიანჯელო ჰარისონი (19 ქულა, 4 მოხსნა, 2 შედეგიანი გადაცემა, 2 ჩაჭრა), ჯონ პეტრუჩელი (23 ქულა, 1 მოხსნა, 2 შედეგიანი გადაცემა, 1 ჩაჭრა) და ჯეიქორი უილიამსი (20 ქულა, 12 მოხსნა, 1 ჩაჭრა) მოხვდნენ.
Il ???? DREAM TEAM UMANA ???? della 26^ giornata scelto da voi tramite votazione su app LBA!
— Lega Basket Serie A (@LegaBasketA) April 18, 2023
Logan - Harrison - Petrucelli - Shengelia - Williams ????#TuttoUnAltroSport pic.twitter.com/5lLTY3ebXM
იტალიის ჩემპიონატის 26-ე ტურში, შენგელიას „ვირტუს ბოლონიამ“ „ტრენტო“ 96:80 დაამარცხა. ქართველი კალათბურთელი საკუთარ გუნდში ერთ-ერთი საუკეთესო იყო და 9 შედეგიანი გადაცემა მიითვალა, რაც მძიმე ფორვარდის პოზიციაზე მოასპარეზე კალათბურთელისთვის ფენომენალური მაჩვენებელია - 12 ქულა, 4 მოხსნა, 9 ასისტი.
ცნობისთვის, „ვირტუს ბოლონია“ იტალიის ჩემპიონატის ლიდერია და 20 მოგება და 6 წაგება აქვს. თოკოს გუნდის მომდევნო მეტოქე „სკაფატია“, რომელსაც 19 დღეს დაუპირისპირდება.
