როდრიგოს ბენეფისი, ბენზემას ისტორიული მიღწევები - რეალი ნახევარფინალშია
ჩემპიონთა ლიგის მეოთხედფინალის განმეორებით მატჩში „ჩელსიმ“ „რეალს“ უმასპინძლა და კვლავ 0:2 დამარცხდა. შეგახსენებთ, რომ ამ გუნდების პირველი დაპირისპირებაც იდენტური ანგარიშით დასრულდა. ჯამში 4:0 და „რეალი“ ნახევარფინალშია.
აღსანიშნავია, რომ ლონდონურმა კლუბმა მატჩი აქტიურად დაიწყო და რამდენიმე კარგი მომენტიც ჰქონდა, თუმცა ტიბო კურტუა მოწოდების სიმაღლეზე იყო და „არისტოკრატებს“ გოლის გატანის შანსი არ მისცა.
პირველი ტაიმი გოლის გარეშე დასრულდა. მეორე ნახევარში „ჩელსი“ ისევ ქმნიდა მომენტებს და „რეალი“ კონტრ-შეტევებზე თამაშობდა, რამაც შედეგი გამოიღო. 58-ე წუთზე როდრიგომ ანგარიში გახსნა. ამის შემდეგ, ლამპარდმა შეტევა გააძლიერა, მაგრამ უშედეგოდ. მე-80 წუთზე როდრიგომ დუბლი გაიფორმა და მატჩის საბოლოო შედეგი 2:0 დააფიქსირა.
აღსანიშნავია, რომ ბენზემამ კიდევ ერთი საინტერესო სტატისტიკა დააფიქსირა. კარიმს ჩემპიონთა ლიგაზე „ბლანკოსის“ რიგებში 130 მატჩი დაუგროვდა, რაც „რეალის“ მინდვრის მოთამაშეებს შორის საუკეთესო შედეგია. მადრიდელთა მხრიდან კი რეკორდი იკერ კასილასს ეკუთვნის, რომელმაც ევროპის ყველაზე პრესტიჟულ ტურნირზე 177 მატჩში მიიღო მონაწილეობა.
150 - Karim Benzema se convierte en el quinto jugador que alcanza los 150 partidos disputados en la @LigadeCampeones:
— OptaJose (@OptaJose) April 18, 2023
183 - Cristiano Ronaldo ????????
177 - Iker Casillas ????????
163 - Lionel Messi ????????
151 - Xavi Hernández ????????
150 - KARIM BENZEMA ????????
Élite. pic.twitter.com/ftFCee92EQ
ასევე გეტყვით, ფრანგმა თავდამსხმელმა ჯამში ჩემპიონთა ლიგაზე 150-ედ ითამაშა და ის ამ შედეგით ყველა დროის საუკეთესო ხუთეულში შევიდა. მასზე წინ ისეთი ფეხბურთელები არიან, როგორებიც ჩავი ერნანდესი(151), ლიონელ მესი(163), იკერ კასილასი(177), კრიშტიანუ რონალდუ(183).
131 - Outfield players with the most Champions League appearances for Real Madrid :
— OptaJean (@OptaJean) April 18, 2023
???? Karim Benzema - 131
2⃣ Raúl - 130
3⃣ Sergio Ramos - 129
Leader. #UCL pic.twitter.com/uS8RKGnrsK
შეგახსენებთ, რომ კარლო ანჩელოტის გუნდი ნახევარფინალში „მანჩესტერ სიტისა“ და „ბაიერნს“ შორის გამარჯვებულს დაუპირისპირდება.
მატჩის ვიდეო მიმოხილვა