მბაპესა და რაფინიას ჩამორჩება | კვარაცხელიას სტატისტიკა ჩემპიონთა ლიგაზე

ხვიჩა კვარაცხელიას „პარი სენ-ჟერმენი“ ჩემპიონთა ლიგის ნახევარფინალში გავიდა. ლუის ენრიკეს გუნდი მეოთხედფინალში „ლივერპულს“ შეხვდა და პარიზელებმა გიორგი მამარდაშვილი და კომპანია ორი მატჩის ჯამში 4:0 დაამარცხეს (2:0, 2:0).

„კვარამ“ „წითლების“ წინააღმდეგ საგოლე გადაცემა მიითვალა. Opta-ს მიხედვით, მას შემდეგ, რაც კვარაცხელია „პარი სენ-ჟერმენში“ გადავიდა (2025 წლის იანვარი), მან ჩემპიონთა ლიგაზე 18 საგოლე მოქმედება მიითვალა (11 გოლი, 7 შედეგიანი გადაცემა). ევროპის ყველაზე პრესტიჟულ ტურნირზე, ამ პერიოდში მასზე მეტი საგოლე მოქმედება მხოლოდ ერთ ფეხბურთელს აქვს — კილიან მბაპეს.

კვარაცხელიამ 18 საგოლე მოქმედებიდან 12 (8 გოლი და 4 საგოლე გადაცემა) პლეიოფის მატჩებში შეასრულა. რაფინია ერთადერთი ფეხბურთელია, რომელსაც 2025 წლის იანვრიდან დღემდე პლეიოფის შეხვედრებში ხვიჩაზე უკეთესი შედეგი აქვს — მის ანგარიშზე 13 საგოლე მოქმედებაა.

ცნობისთვის, „პარი სენ-ჟერმენის“ მეტოქის ვინაობა მომდევნო საათებში გაირკვევა. ლუის ენრიკეს გუნდი „ბაიერნისა“ და „რეალის“ წყვილის გამარჯვებულს შეხვდება.