საქართველოს ნაკრების პროგრესი - FIFA-მ რეიტინგი განაახლა
ცოტა ხნის წინ, FIFA-ს ოფიციალურ ვებ-გვერდზე სანაკრებო რეიტინგის განახლებული სია გამოქვეყნდა, რომელშიც საქართველოს ფეხბურთელთა ნაკრები 1 საფეხურით არის დაწინაურებული.
გასულ თვეს, ვილი სანიოლის გუნდი 78-ე ნომერი იყო, განახლებულ რეიტინგში კი 1311 ქულა აქვს და 77-ე პოზიციაზე აღზევდა.
შეგახსენებთ, რომ მარტში საქართველოს ნაკრებმა ორი შეხვედრა გამართა. 25 მარტს ქართველმა ფეხბურთელებმა ამხანაგურ მატჩში მონღოლეთი 6:1 დაამარცხეს, 28 მარტს კი ევროპის ჩემპიონატის შესარჩევი ეტაპის პირველ ტურში ნორვეგიასთან 1:1 ითამაშეს.
რაც შეეხება ლიდერთა სამეულს, პირველ ადგილზე არგენტინის ნაკრები აღზევდა, მეორე პოზიციაზე საფრანგეთის ნაკრებმა გადაინაცვლა, მესამე პოზიციაზე კი ბრაზილიის ნაკრები დაქვეითდა, რომელიც აქამდე რეიტინგის პირველი ნომერი იყო.
