მე-7 გოლი სეზონში - გველესიანმა პერესპოლისს მოაგებინა
სპარსეთი ყურის პრო ლიგის (ირანი) 24-ე ტურში გიორგი გველესიანის „პერსეპოლისმა“ გასვლით შეხვედრაში „რაფსაჯანს“ 1:0 მოუგო და ეს ქართველი ლეგიონერის გოლით მოახერხა.
ტრადიციულად გველესიანი სასტარტო შემადგენლობაში იყო. ქართველმა მცველმა 30-ე წუთზე თერთმეტმეტრიანის შესრულება ითავა და ზუსტი დარტყმით გამარჯვების გოლი გაიტანა.
გველესიანისთვის ეს მიმდინარე სეზონში ჩატარებული 25-ე შეხვედრა იყო. მის ანგარიშზე უკვე 7 გოლია, რაც ცენტრალური მცველისთვის ძალიან კარგი მაჩვენებელია.
გველესიანის გუნდი ჩემპიონობისთვის იბრძვის. „პერსეპოლისი“ 24 ტურის შემდეგ 48 ქულით მე-3 პოზიციაზე იმყოფება და ლიდერ სეფაჰანს 3 ქულით ჩამორჩება.
შეგახსენებთ, რომ გველესიანი რამდენიმე დღის წინ, ირანის ჩემპიონატის მიმდინარე სეზონის საუკეთესო მცველად დაასახელეს, რასაც სოციალურ ქსელში ფეხბურთელის პოსტი მოჰყვა, სადაც წერდა, რომ ეროვნულ ნაკრებში გამოუძახებლობის გამო იმედგაცრუებულია.