დიდი წარმატება - ლევან ოჩიგავა მსოფლიო ჩემპიონია!
ალბანეთში, ჭაბუკ ძალოსანთა შორის მსოფლიო ჩემპიონატი მიმდინარეობს და ქართველმა სპორტსმენმა, ლევან ოჩიგავამ დიდ წარმატებას მიაღწია. 81 კილოგრამ წონით კატეგორიაში მოასპარეზე ოჩიგავა მსოფლიო ჩემპიონი გახდა და 2 ოქროსა და 1 ვერცხლის მედალი მოიპოვა.
ლევანმა ატაცში 137 და 143 კილოგრამი დაძლია და ვერცხლის მედლის მფლობელი გახდა. ქართველმა ძალოსანმა აკვრაში სამივე ცდა გამოიყენა და 172, 176 და 179 კილოგრამი დააფიქსირა, რაც ამ მოძრაობაში ოქროს მედლისთვის საკმარისი აღმოჩნდა, ოჩიგავამ ორჭიდში 322 კგ დააგროვა და მსოფლიო ჩემპიონი გახდა.
Georgia???????? wins Gold in C&J and Total with this crazy 179KG C&J! ✨????It was his third good attempt and he did a great progression : 172KG/176KG/179KG. Congratulations to Levan Ochigava, you did amazing! pic.twitter.com/C2X7TDRgM0
— IWF (@iwfnet) March 28, 2023
აღსანიშნავია, რომ საქართველოს ძალოსანთა ნაკრებმა ალბანეთში მიმდინარე ჭაბუკ ძალოსანთა მსოფლიო ჩემპიონატზე ლევან ოჩიგავას მიერ მოპოვებული მედლებით სეზონი გახსნა.
