„მის შესაჩერებლად პირჯვარი უნდა გადაიწერო“ - ტორინოს მწვრთნელი კვარაზე
„ტორინოს“ მთავარმა მწვრთნელმა ივან იურიჩმა „ნაპოლისთან“ მატჩამდე გამართულ პრესკონფერენციაზე ხვიჩა კვარაცხელიას შესახებ ისაუბრა. ხორვატი სპეციალისტის თქმით, კვარაცხელიას შეჩერება შეუძლებელია.
„განსაკუთრებული ყურადღება კვარაცხელიას განეიტრალებაზე? მას ვერ შეაჩერებ. შეგიძლია, მის წინააღმდეგ ორი ფეხბურთელი ათამაშო, მაგრამ ასეთ ვითარებაში მარიო რუისა და ნახევარმცველებს მეტის სივრცე რჩებათ. „ნაპოლისთან“ პირველ მატჩში კოფი ჯიჯი შესანიშნავი იყო, მაგრამ არ ვიცი, ითამაშებს თუ არა ხვალ. კვარაცხელიას წინააღმდეგ თამაშისას პირჯვარი უნდა გადაიწერო და იმედი გქონდეს, რომ ეს მისი დღე არ იქნება“
შეგახსენებთ, რომ სერია A-ს მიმდინარე სეზონში ხვიჩა კვარაცხელიამ 21 მატჩში 11 გოლი შეაგდო. ბომბარდირთა დავაში იგი მე-5 ადგილზეა. მას ოსიმენი (19), ლაუტარო მარტინესი (14), ადემოლა ლუკმენი (12) და მბალა ნზოლა (12) უსწრებენ. სერია A-სა და ჩემპიონთა ლიგის გათვალისწინებით, კვარაცხელიამ 28 მატჩში 13 გოლი შეაგდო და 13 საგოლე პასი შეასრულა.
სერია ა-ს 27-ე ტურში „ტორინო“ - „ნაპოლის“ მატჩი 19 მარტს, 18:00 საათზე დაიწყება.
