ილია თოფურია, მოვსარ ევლოევი
Aa
Aa

ევლოევი: „თოფურია ჩემი ნომერ პირველი მტერია“

UFC-ის მებრძოლი, მოვსარ ევლოევი The Schmo-ს ესაუბრა და ილია თოფურიასთან ჩხუბის სურვილი კიდევ ერთხელ გამოხატა. რუსმა მებრძოლმა განაცხადა, რომ ტრავმის შემდეგ, ოქტაგონზე დასაბრუნებლად მზადაა და „ელ მატადორი“ მისი მთავარი მტერია.

„მეტოქეს ველოდები და ჯერჯერობით პასუხს არავინ მცემს. ვნახოთ, რა მოხდება და მომდევნო თვეებში ბევრი რამ გაირკვევა. ნებისმიერისთვის მზად ვარ და შემიძლია, მაისში ან ივნისში ვიჩხუბო. უკეთესი იქნება თუ რეიტინგში ჩემზე მაღლა მდგომ მებრძოლს შევხვდები, მაგრამ ოქტაგონზე დაბრუნება მესაჭიროება და სულერთია, ვისთან ვიჩხუბებ.

ვინ მოახდინა ჩემზე ყველაზე დიდი შთაბეჭდილება ქვემსუბუქ წონით დივიზიონში? მოდი, ასე ვიტყვი. ჩემი ნომერ პირველი მტერი თოფურიაა. ის დაუმარცხებელია, UFC-ში 5 ბრძოლა აქვს მოგებული და ალბათ, ქვემსუბუქ წონით დივიზიონში, ჩემთვის ყველაზე რთული მეტოქეა. UFC-სა და თოფურიას რამდენჯერმე ვუთხარი, რომ ამ ჩხუბისთვის მზად ვარ, მაგრამ არავინ მიპასუხა. თუ ილიას სხვა მეტოქე მისცეს, პრობლემა არაა. დაველოდები და შევეცდები, მალე დავბრუნდე“.

შეგახსენებთ, რომ ილიას რეიტინგში მასზე დაბლა მყოფ მეტოქესთან ჩხუბი არ სურს. ამ წუთისთვის, „ელ მატადორი“ მე-9 პოზიციას იკავებს, ევლოევი კი მე-10 გახლავთ. ილიასა და მოვსარს შორის დაძაბული ურთიერთობაა. მათ რამდენიმე თვის წინ უნდა ეჩხუბათ, მაგრამ ბრძოლა ჩაიშალა, რის შემდეგაც იყო დაპირისპირება სოციალურ ქსელებში და რამდენიმე შეურაცხმყოფელი პოსტი.

მსგავსი სიახლეები

ცხელი ამბები
ასევე დაგაინტერესებთ
„ზუსტად ამას ჰქვია ფეხბურთელმა თავისი გუნდი იპოვაო“ - ჩერჩესოვი ხვიჩაზე
„ზუსტად ამას ჰქვია ფეხბურთელმა თავისი გუნდი იპოვაო“ - ჩერჩესოვი ხვიჩაზე