ხვიჩა კვარაცხელია სერია A-ს თვის საუკეთესო ფეხბურთელი გახდა
3 მარტს, გაუწყეთ, რომ „ნაპოლის“ ქართველი ფეხბურთელი, ხვიჩა კვარაცხელია სერია A-ს თებერვლის საუკეთესო ფეხბურთელის პრიზზე იყო წარდგენილი. „კვარას“ კონკურენტები ანხელ დი მარია, ფედერიკო ბესკიროტო, ალექსეი მირანჩუკი და ვიქტორ ოსიმენი იყვნენ და გამარჯვებული გულშემატკივრებს უნდა გამოევლინათ.
რამდენიმე უცხოური გამოცემის მიხედვით, ქომაგების რჩეული კვარაცხელია გახდა და ეს ინფორმაცია ოფიციალურად უახლოეს საათებში დადასტურდება. ამ პრიზის მოპოვების შემდეგ, ცნობილ ვიდეოთამაშში, FIFA 23-ში „კვარას“ სპეციალური ქარდი გამოჩნდება (სტატისტიკა ჯერჯერობით დაზუსტებული არაა) და ქართველ გეიმერებს მისი საკუთარ გუნდში გადაყვანა შეეძლებათ.
FIFA 23 leak hints at Khvicha Kvaratskhelia Serie A POTM SBC coming to Ultimate Team https://t.co/xiPziz5ECC #gaming #gamingcommunity #gamingnews
— Sportskeeda Gaming (@skesportsgaming) March 9, 2023
????#POTM #SerieA
— Eldé #FUT #FIFA23 (@Elde_fut) March 9, 2023
Khvicha Kvaratskhelia sera le joueur du mois en Serie A!#FUT #FUT23 #FIFA23 #EASPORTSFIFA pic.twitter.com/TlOTw9c6eY
შეგახსენებთ, რომ თებერვალში, „ნაპოლიმ“ სერია A-ში 4 მატჩი გამართა და ოთხივე მოიგო. კვარაცხელიამ 3 გოლი და 1 საგოლე გადაცემა მიითვალა. მან „სპეციას“, „კრემონეზესა“ და „სასუოლოს“ კარი დალაშქრა, ასისტი კი „სპეციასთან“ გააკეთა.
გეტყვით იმასაც, რომ ქართველი ფეხბურთელის გუნდს 65 ქულა აქვს და სატურნირო ცხრილის ლიდერია. „პარტენოპეის“ მომდევნო გაჩერება „ატალანტაა“, რომელსაც საკუთარ კედლებში მიიღებს.
