მბაპეს მაგარი ჟესტი - ისტორიული მაისური ნანტის ფეხბურთელს გაუცვალა
საფრანგეთის ლიგა 1-ის 26-ე ტურში, კილიან მბაპემ ისტორია დაწერა და „პარი სენ-ჟერმენის“ ყველა დროის საუკეთესო ბომბარდირი გახდა. „ნანტის“ წინააღმდეგ 4:2-ით მოგებულ შეხვედრაში, კილიანმა გოლი გაიტანა და ედინსონ კავანის მიღწევა გააუმჯობესა.
Espoirs De Foot-ის ინფორმაციით, მატჩის დასრულების შემდეგ, მბაპემ მაისური „ნანტის“ ფეხბურთელს, იგნატიუს განაგოს გაუცვალა, რომელსაც ორი კვირის წინ შვილი გარდაეცვალა. განაგოს 5 წლის ქალიშვილი რთულ დაავადებას ებრძოდა და ექიმებმა მისი სიცოცხლე ვერ გადაარჩინეს.
მბაპე განაგოს გასახდელისკენ მიმავალ გვირაბში შეხვდა. ფეხბურთელები ერთმანეთს ჩაეხუტნენ და მაისურები გაცვალეს. უცხოურ პრესაში მბაპეს ჟესტს დიდი გამოხმაურება მოჰყვა და კილიანი განაგოსთვის თანაგრძნობის გამოხატვის გამო შეაქეს.
Kylian Mbappé a échangé son maillot des 201 buts avec Ignatius Ganago, récemment endeuillé par le décès de sa fille. ????
— Actu Foot (@ActuFoot_) March 4, 2023
???? @EspoirsduFoot pic.twitter.com/iosyRw3VVf
შეგახსენებთ, რომ მბაპეს პარიზული გრანდის მაისურით 201 გოლი აქვს გატანილი. მას ეს 246 შეხვედრაში მოახერხა. ყოფილ რეკორდსმენს, კავანის 200 გოლის გასატანად 301 მატჩი დასჭირდა.
