ჩავი კლასიკოს შემდეგ: შედეგით კმაყოფილი ვარ, მაგრამ თამაშით არც ისე

სამეფო თასის ნახევარფინალში მადრიდში „რეალის“ დამარცხების შემდეგ, ჩავიმ პრესასთან ისაუბრა.

„შედეგი ძალიან დადებითია. კმაყოფილი ვარ გუნდის მუშაობით. მატჩი რთული იყო. გამარჯვება უდიდესია. ბურთს ვერ ვაკონტროლებდით, თუმცა ორთაბრძოლებს ვიგებდით. თავი ბურთის გარეშეც კარგად დავიცავით. შედეგით კმაყოფილი ვარ, მაგრამ თამაშით არც ისე.

დღეს ჩვენი თამაშით ვერ დავიკვეხნით. ეს არ არის ის თამაში, რაც ჩვენ გვინდა. მეტი საგოლე მომენტი უნდა შევქმნათ. არის მომენტები, როცა მეტოქეს ჩვენზე დომინირება შეუძლია.

დაცვაში თამაში მომეწონა, თავს კარგად ვიცავდით. არაუხომ იდეალურად ითამაშა. ვინისიუსს რთული მატჩი ჰქონდა. დაცვა მთლიანად შესანიშნავი იყო.

წყვილში ფავორიტად კვლავ რეალს ვთვლი.

რაც შეეხება ლა ლიგას, ვალენსიასთან მატჩი მოდის. სანაკრებო პაუზამდე მომდევნო 3 მატჩში 9 ქულის მოპოვება მნიშვნელოვანია“.

შეგახსენებთ, რომ სამეფო თასის განმეორებითი ნახევარფინალური მატჩი 5 აპრილს „კამპ ნოუზე“ გაიმართება.