ESPN: მილუოკიმ მამუკელაშვილი გაუშვა
ESPN-ის ჟურნალისტმა ადრიან ვოინაროვსკიმ „ტვიტერის“ საკუთარ გვერდზე არასასიამოვნო ინფორმაცია გაავრცელა. ვიგებთ, რომ „მილუოკი ბაქსმა“ სანდრო მამუკელაშვილი გუნდიდან გაუშვა. ქართველი კალათბურთელი ახლა კლუბის გარეშეა, თუმცა ადრიანის თქმით, „ბაქსი“ მას ახალი გუნდის მოძებნაში აუცილებლად დაეხმარება.
შეგახსენებთ, რომ მამუკელაშვილი „სეტონ ჰოლის“ უნივერსიტეტში თამაშობდა და ამის შემდეგ, დრაფტზე დადგა. „მილუოკიმ“ კი მასში დიდი პერსპექტივა დაინახა და გუნდში აიყვანა. გაშვების ერთ-ერთ მიზეზად სანდროს მცირე სათამაშო დრო სახელდება.
ასევე შეგახსენებთ, რამდენიმე დღის წინ, „ინდიანამ“ გოგა ბითაძე გაუშვა, მაგრამ 23 წლის ქართველმა ახალი გუნდი მალე იპოვა და ახლა ის „ორლანდო მეჯიქის“ ღირსებას იცავს. ცნობისთვის, მამუკელაშვილმა „ბაქსის“ რიგებში 65 მატჩი ჩაატარა.
Bucks are waiving F/C Sandro Mamukelashvili, sources tell ESPN. He’s played 65 games in two seasons since getting drafted out of Seton Hall. Team worked with his representation on release to help with Mamukelashvili’s future options. Bucks vet roster offered limited opportunity.
— Adrian Wojnarowski (@wojespn) March 1, 2023