ლიონელ მესი, კარიმ ბენზემა
Aa
Aa

The Best-ის შედეგებით უკმაყოფილოა - ბენზემა თავისი მიღწევების ფოტოს ავრცელებს

27 თებერვალს, პარიზში, FIFA The Best-ის დაჯილდოება გაიმართა და წლის საუკეთესო ფეხბურთელად ლიონელ მესი დასახელდა. „ლა პულგა“ ეროვნული ნაკრებების კაპიტნებმა, ჟურნალისტებმა და მთავარმა მწვრთნელებმა გამოარჩიეს და როგორც ჩანს, კარიმ ბენზემა მათ პოზიციას არ იზიარებს.

ფრანგმა ფეხბურთელმა რამდენიმე საათის წინ, „ინსტაგრამის“ ე.წ სთორიში თავისი მიღწევების ამსახველი ფოტო გამოაქვეყნა და მიგვანიშნა, რომ შედეგებით უკმაყოფილოა. აღნიშნულ ფოტოზე ის სტატისტიკა და ჯილდოებია ასახული, რომლებიც კარიმმა გასული წლის აგვისტოდან, The Best-ის ნომინაციისთვის განსაზღვრულ პერიოდამდე გაიფორმა.

ბენზემას თანაგუნდელი, ვინისიუს ჟუნიორიც არ დავიწყებია, რომელიც წლის საუკეთესო გუნდში ვერ მოხვდა. კარიმმა მისი და ბრაზილიელის ფოტო გამოაქვეყნა და ასეთი წარწერა დაურთო - The Beasts (ცხოველები).

შეგახსენებთ, რომ FIFA The Best-ის გამოკითხვაში ბენზემა მე-3 ადგილზე გავიდა. კარიმმა 34 ქულა დააგროვა და კილიან მბაპესა (44 ქულა) და ლიონელ მესის (52 ქულა) ჩამორჩა.

მსგავსი სიახლეები

ასევე დაგაინტერესებთ
მაგიური ნომერი და ბიჭი, რომელზეც გრანდები ოცნებობენ - Daily Mail-ის მაგარი სტატია კვარაზე
მაგიური ნომერი და ბიჭი, რომელზეც გრანდები ოცნებობენ - Daily Mail-ის მაგარი სტატია კვარაზე