ქომაგებმა ვინისიუსს აგინეს, ვინიმ მსაჯს აგინა - სკანდალური მატჩი ლა ლიგაში
ლა ლიგის 22-ე ტურში მადრიდის „რეალმა“ პამპლონაში „ოსასუნას“ 2:0 მოუგო. შეხვედრა დაძაბული გამოდგა, თუმცა გარდა საფეხბურთო დაძაბულობისა, იყო არასპორტული ინციდენტებიც.
33-ე წუთზე, „ოსასუნას“ ნახევარმცველმა მოი გომესმა ვინისიუსის წინააღმდეგ უხეშად ითამაშა, ფლანგზე ბრაზილიელს უხეში ვარდნა გაუკეთა, მაგრამ მსაჯმა ხოსე მუნუერა მონტერომ ამ ეპიზოდზე რეაგირება არ მოახდინა.
მსაჯის გადაწყვეტილებამ ბრაზილიელი აღაშფოთა და მისი მისამართით დაიყვირა:
„წადი საკუთარი თავი იხ**რე! ღორისშვიო!“
the ‘genius’ can say the referee ‘son of a bitch’ and nothing happens.. #ThisIsLaLiga #Vinicius pic.twitter.com/9DeMNzIzzb
— Adri Cervera (@adri_cervera) February 18, 2023
აღსანიშნავია, რომ არბიტრმა ვინისიუსი გინების გამო არ დასაჯა.
მატჩის წინ წუთიერი დუმილის დროს ვინისიუსს „ოსასუნას“ ერთ-ერთმა გულშემატკივარმა შეურაცხყოფა მიაყენა და მას „მეძავის შვილი" უწოდა.
ვინისიუსის მისამართით არსებულ შეურაცხყოფაზე კომენტარი ტიბო კურტუამ გააკეთა:
„მას მეძავის შვილი უწოდეს, როცა წუთიერი დუმილი იყო. შემდეგ უმღეროდნენ - „ვინისიუს მოკვდი“ - ტრიბუნებიდან მას მშობლები და ბავშვები შუა თითს უჩვენებდნენ.
ამ სტადიონზე თამაში სასიამოვნოა, მაგრამ რაც მოხდა ეს ყველაფერი სისულელეა“. - განაცხადა კურტუამ.
