ბორჯღალოსნების გამარჯვება - საქართველომ ესპანეთი გაანადგურა
რაგბის ევროპის ჩემპიონატის მესამე ტურში საქართველოს ეროვნულმა ნაკრებმა სტუმრად ესპანეთი დამაჯერებლად დაამარცხა - 3:41.
???????? v ???????? | Coin toss in Torrelavega!
— Rugby Europe (@rugby_europe) February 18, 2023
What's your predictions for this one tonight? pic.twitter.com/yE9tYPntdZ
ანგარიში მე-3 წუთზე აკაკი ტაბუცაძემ გახსნა, მის ლელოს ესპანელებმა მე-7 წუთზე ვინუესას ზუსტი დარტყმით უპასუხეს. მე-8 წუთზე ტაბუცაძემ მეორე ლელო დადო, ეს მისთვის ეროვნულ ნაკრებში რიგით 24-ე იყო და ამ მაჩვენებლით ირაკლი მაჩხანელს გაუთანაბრდა. მას შემდეგ საქართველოს ეროვნული ნაკრები უდიდეს უპირატესობას ფლობდა და პირველი ტაიმი ლევან მაისაშვილის გუნდმა ძალიან დამაჯერებლად 3:22 მოიგო.
პირველი ტაიმის მიმოხილვა
მეორე ტაიმის დასაწყისში, 48-ე წუთზე მერაბ შარიქაძის ლელოს თედო აბჟანდაძის ზუსტი გარდასახვა მოჰყვა. 64-ე წუთზე ლელო სანდრო თოდუამ დადო, ეროვნულ გუნდში ეს მისი მე-17 ლელოა 105-ე შეხვედრაში. 67-ე წუთზე დავით ნინიაშვილმა ლელო დადო და ლუკა მატკავამ გარდასახვა ზუსტად შეასრულა.
მეორე ტაიმის მიმოხილვა
მატჩის საუკეთესო მოთამაშედ ვასილ ლობჟანიძე დასახელდა.
???? ???????? Outstanding performance from an outstanding player.
— Rugby Europe (@rugby_europe) February 18, 2023
Tonight's Player of the Match is Vasil Lobzhanidze! pic.twitter.com/ZjwNGVvk4s
რაგბის ევროპის ჩემპიონატის საწყის სამ ტურში საქართველოს ნაკრებმა სამივე შეხვედრა დიდი სხვაობით მოიგო. პირველ ტურში შინ გერმანია 75:12 დაამარცხა, შემდეგ სტუმრად ნიდერლანდებს სძლია (8:40), რასაც ესპანეთთან გასვლით მატჩში გამარჯვება მოჰყვა (3:41).
