მამუკელაშვილი G ლიგის ALL STAR-ზე ითამაშებს
„მილუოკი ბაქსისა“ და საქართველოს ნაკრების კალათბურთელი სანდრო მამუკელაშვილი NBA-ს განვითარების ლიგაში (G) ყველა ვარსკვლავის მატჩში მიიღებს მონაწილეობას.
23 წლის ქართველმა მძიმე ფორვარდმა ტრავმირებული ჩარლზ ბესი ჩაანაცვლა.
სანდროს აქამდე Next Up Game-ში (ყველა ვარსკვლავის მატჩი) არასდროს უთამაშია.
მოთამაშეთა სიას ქომაგები და ლიგა ირჩევს. 24-დან 10-ს გულშემატკივართა ხმები წყვეტს. დარჩენილ 14-ს კი ლიგა ასახელებს. გუნდების კაპიტნებად ლუკა გარზა და სკუტ ჰენდერსონი იქნა არჩეული. მამუკელაშვილი გარზას გუნდში იქნება.
G ლიგის ვარსკვლავების მატჩი NBA-ს ALL STAR-ის უიქენდზე (19 თებერვალი) გაიმართება, რომელსაც იუტა უმასპინძლებს.
შეგახსენებთ, რომ მამუკელაშვილი „ვისკონსინ ჰერდის“ ღირსებას იცავს, რომელიც „მილუოკი ბაქსის“ ეკუთვნის. მოთამაშეები, რომლებიც NBA-ში შესაბამის დროს ვერ იღებენ, პრაქტიკისთვის G ლიგაში მიდიან. სანდრო კი იქ თავის გამოჩენას თითქმის ყოველ ჯერზე ახერხებს.
Next (Man) Up! @WisconsinHerd Two-Way Sandro Mamukelashvili and @slcstars forward Tyler Cook have been named to the #GLeagueNextUpGame as injury replacements. Mamukelashvili will play for #TeamLuka in place of Charles Bassey, & Cook will play for #TeamScoot in place of Eric Mika. pic.twitter.com/9wVcJSCpDE
— NBA G League (@nbagleague) February 15, 2023
