პიოტრ იანი: 8 ბრძოლას შემთხვევით ვერ მოიგებდა, მერაბი სერიოზული მეტოქეა

UFC-ის რუსმა მებრძოლმა პიოტრ იანმა, რუსულ მედიასთან მერაბ დვალიშვილთან მოახლოებულ ბრძოლაზე ისაუბრა.

- სამი წლის წინ ცხადი იყო, რომ მერაბთან ბრძოლა შესაძლებელი იქნებოდა. თქვენ მეტოქე უნდა შეგესწავლათ. როგორ ფიქრობთ, დვალიშვილის რომელი ტექნიკური მანევრი შეიძლება იყოს თქვენთვის ყველაზე საშიში?

„ვფიქრობ, მერაბს UFC-ში 8 ბრძოლა შემთხვევით არ მოუგია და ეს სერია გრძელდება. მესმის, რომ ის სერიოზული მოწინააღმდეგეა, რომელსაც აქვს საკუთარი გეგმა, რასაც ის მისდევს. შენ მის წინააღმდეგ უნდა გააკეთო რაიმე საკუთარი ან მზად უნდა იყო იმისთვის, რისი გაკეთებაც მას აქვს გადაწყვეტილი“.

- მერაბისთვის UFC-ში რვა გამარჯვება საკმაოდ სტერეოტიპული იყო. აანალიზებთ ასეთ ტაქტიკურ მომენტებს კონკრეტულ მეტოქესთან ბრძოლამდე?

„დიახ, დიახ, აუცილებლად. თითოეული მოწინააღმდეგისთვის საჭიროა ინდივიდუალური ანალიზი, თუ რა უნდა იყოს მინიმუმამდე დაყვანილი, გარკვეული რისკები, რა უნდა გაკეთდეს საამისოდ. ამ მიმართულებით ვმუშაობთ, ყველაფერს 11 მარტს ნახავთ“.

- შეიძლება მოვემზადოთ იმისთვის, რომ მერაბთან თქვენი მხიარული მიმოწერით ინტერნეტ-სერიები გაგრძელდება?

„არა, მე არ ვაპირებ ამ საქმის გაგრძელებას. ალბათ, მერაბს ეს სჭირდება, რომ გარკვეული ყურადღება მიიპყროს. მე ეს არ მჭირდება“.

- ბოლო ბრძოლის შემდეგ ხელმძღვანელობას საკმაოდ სწორად ელაპარაკე, მაგრამ უკმაყოფილება იგრძნობოდა. როგორია თქვენი ურთიერთობა დანა უაითთან ამჟამად? გესმით, რა შეიძლება მოხდეს მერაბთან გამარჯვების შემდეგ, რომლის ყველა გვჯერა?

„მენეჯერები ურთიერთობენ UFC-ის ხელმძღვანელობასთან, მე ეს არ მჭირდება. მერაბთან ბრძოლა ავირჩიეთ, რადგან ტოპ 5-ში თავისუფალი მებრძოლები არ იყვნენ. რა მოხდება შემდეგ? მოდი დაველოდოთ და ვნახოთ. ჩვენ გვაქვს მიზნები და გეგმები - მოგება, ტიტულისთვის რბოლაში შეღწევა. რა გეგმები აქვს ორგანიზაციას, ამას ბრძოლის შემდეგ ვნახავთ“.

- გინდა მერაბთან დუელი ვადაზე ადრე დასრულდეს?

„ნებისმიერი გამარჯვება კარგია. ადრეული გამარჯვება ბევრად უკეთესია, ვიდრე გადაწყვეტილების მსაჯებისთვის მინდობა“.

შეგახსენებთ, რომ მერაბ დვალიშვილისა და პიოტრ იანის ბრძოლა 12 მარტს გაიმართება.