მამუკელაშვილმა ითამაშა - ბილუოკიმ ზედიზედ მე-10 თამაში მოიგო

გამთენიისას NBA-ში მორიგი შეხვედრები გაიმართა. სანდრო მამუკელაშვილის „მილუოკი ბაქსმა“ მორიგი მატჩი მოიგო.

იანის ანტეტოკუნმპოს მორიგი ბრწყინვალე თამაშით „ბაქსმა“ ლოს ანჯელეს „კლიპერსს“ 119:106 მოუგო. ბერძენმა 35 ქულა, 8 მოხსნა და 6 პასი მიითვალა.

ზედიზედ მე-10 გამარჯვებაში თავისი მცირე წვლილი მამუკელაშვილმაც შეიტანა, რომელმაც პარკეტზე 10:26 წუთი გაატარა, მისი მონაგარი კი 2 ქულა, 3 მოხსნა და 2 გადაცემა იყო.

ორმაგი დუბლი გაიფორმა ბრუკ ლოპესმა - 22 ქულა, 15 მოხსნა. „კლიპერსის“ მხრიდან კი ასევე ორმაგი დუბლით პოლ ჯორჯი გამოირჩა - 19 ქულა, 11 მოხსნა.

ამ გამარჯვების შემდეგ, „ბაქსს“ 39 მოგება და 17 მარცხი დაუგროვდა. მამუკელაშვილის გუნდი აღმოსავლეთ კონფერენციაში მეორე ადგილზეა, მათ მხოლოდ „ბოსტონ სელტიკსი“ უსწრებთ. მომდევნო შეხვედრა 15 თებერვალს სწორედ „ბოსტონთან“ ელით.