100 პროცენტით NBA-ში დარჩება - ინდიანაში გოგას გაშვებაზე კომენტარი გააკეთეს

„ინდიანა პეისერსის“ საკალათბურთო ოპერაციების პრეზიდენტმა, კევინ პრიტჩარდმა გოგა ბითაძეზე ისაუბრა. პრიტჩარდმა კალათბურთის ქართველი ქომაგებისთვის სასიხარულო კომენტარი გააკეთა და განაცხადა, რომ გოგას NBA-ის დატოვება არ ემუქრება.

thank you for the memories on and off the court over the past 3.5 seasons, Goga.???? pic.twitter.com/gYpaXz9m6U

— Indiana Pacers (@Pacers) February 10, 2023

„რატომ არ ვერ იმუშავა ბითაძის პროექტმა? ეს ნაწილობრივ ჩემი ბრალია, რადგან ტრეიდების შედეგად, ბევრი ცენტრი მივიღეთ. მაინც ვფიქრობ, რომ გოგა NBA-ის კარგი კალათბურთელი დადგება და წლეულს, მან თავდაუზოგავად იმუშავა.

100 პროცენტით მჯერა, რომ ბითაძეს რომელიმე გუნდი აიყვანს. მის თაობაზე ბევრი სატელეფონო ზარი მივიღეთ და მგონია, NBA-ში დარჩება. ძალიან მინდა, რომ ასე მოხდეს, რადგან ჩვენთან თავის გამოჩენის შანსი, რომელიც უნდა მიეღო, არ მიუღია“.

Pritchard on Bitadze: "He's going to get picked up. 100 percent. ... I want him to work out in the NBA. ... IT was a little bit that he didn't get an opportunity here that he probably should have."

— Dustin Dopirak (@DustinDopirak) February 10, 2023

შეგახსენებთ, რომ „პეისერსის“ რიგებში გოგა პარკეტზე საშუალოდ 8:43 წუთს ატარებდა, მისი სტატისტიკა კი ასეთი იყო - 3.2 ქულა, 2 მოხსნა, 0.4 ასისტი, 0.2 ჩაჭრა, 0.7 დაფარება. „ინდიანამ“ იგი გუნდიდან რამდენიმე საათის წინ გაუშვა და მის მსურველებს 48 საათი აქვთ, რათა გადაწყვეტილება მიიღონ. უცხოურ პრესაში მისი ევროპაში დაბრუნებაც არ გამოირიცხება.