მესი მარსელთან დაშავდა და შესაძლოა ბაიერნთან ვერ ითამაშოს
საფრანგეთის თასის 1/8-ფინალში პსჟ „მარსელთან“ 1:2 დამარცხდა და ტურნირს დაემშვიდობა, თუმცა შესაძლოა გუნდისთვის შედეგები გაცილებით მძიმეც იყოს.
L'Équipe-ი წერს, რომ შეხვედრაში დაზიანება მიიღო ლეო მესიმ, რომელიც „მონაკოსთან“ ჩემპიონატის მატჩს გამოტოვებს და შესაძლოა ჩემპიონთა ლიგაზე მიუნხენის „ბაიერნთან“ პირველი მერვედფინალური დაპირისპირებაც გამოტოვოს.
???????? Leo Messi incertain contre le Bayern Munich ! Il a été touché aux ischios lors de OM-PSG. ????????⛔️
— Hadrien Grenier (@hadrien_grenier) February 9, 2023
Forfait déjà acté contre Monaco.
(L’ÉQUIPE)
მესიმ ბარძაყის კუნთის არეში დარტყმა მიიღო და ამ მომენტისთვის მისი მოედანზე დაბრუნების ზუსტი თარიღი ცნობილი არ არის.
პარიზელებს „ბაიერნთან“ კილიან მბაპე და პრესნელ კიმპემბე დააკლდებათ. ნეიმარი ახლადდაბრუნებულია და სასურველი ფორმისგან შორსაა. თუ, მესიც ვერ ითამაშებს, კრისტოფ გალტიეს წინ სერიოზული თავსატეხი ელის.
L'Équipe-ი ასევე აღნიშნავს, რომ პარიზელები ოპტიმისტურად არიან განწყობილნი და კლუბში მიაჩნიათ, რომ ლეო „ბაიერნთან“ მატჩისთვის სრულ მზადყოფნაში იქნება.
შეგახსენებთ, რომ პსჟ „ბაიერნის“ პირველი მერვედფინალი 14 თებერვალს (23:55) პარიზში გაიმართება.
