„თქვენი თავდადება რაგბისადმი გასაოცარია“ - აშშ ბორჯღალოსნებს უქომაგებს
აშშ-ის სარაგბო გუნდი 2023 წლის რაგბის მსოფლიოს ჩემპიონატის ფინალურ ეტაპზე ვერ მოხვდა, რის შემდეგაც აშშ-მ მიიღო გადაწყვეტილება, რომ საქართველოს ნაკრებს უგულშემტკივროს. აღნიშნულთან დაკავშირებით ჯორჯიის შტატის რაგბის კავშირმა განცხადება გაავრცელა, რომელშიც ჯორჯიის რაგბის კავშირის პრეზიდენტის, სტივ მეისის კომენტარიცაა მოცემული.
„იმ სიკეთის, მეგობრობის და ჭეშმარიტი სარაგბო დამოკიდებულებისთვის რომელიც საქართველოს რაგბის კავშირიდან ჩვენმა მეგობრებმა, ასევე მათმა მხარდამჭერებმა გამოიჩინეს ჩვენს მიმართ აქ ჯორჯიაში, ჯორჯიის რაგბის კავშირმა გადაწყვიტა რომ მსოფლიო რაგბის თასზე ჩვენი გუნდი “ლელოები” იქნებიან და მათ როგორც საკუთარ გუნდს ვუქომაგებთ.
ჯორჯიის რაგბის კავშირის პრეზიდენტი სტივ მეისი: "თქვენი ქვეყნის ერთგულება რაგბისადმი. ყველაზე ახალგაზრდა მოთამაშეებიდან დაწყებული, მათი ჩათვლით, ვისაც აქვს პატივი, წარმოადგენდეს თქვენს ქვეყანას. თქვენი დამოკიდებულება და თავდადება ჩვენი საყვარელი სპორტისადმი გასაოცარია და პატივისცემას იმსახურებს. ამ თავდადებას, გაზარდოთ თამაში ფესვიდან ხის კენწერომდე, რაგბის ყველა ერი უნდა სწავლობდეს. უზომოდ ამაყნი ვართ, რომ შეგვიძლია გიწოდოთ ჩვენი მეგობრები.
იმედი გვაქვს, რომ ბორჯღალოსნებსა და ჩვენს მეგობრებს საქართველოს რაგბის კავშირში ოკეანის გაღმა მისწვდებათ ჩვენი გულშემატკივრობის ხმა მსოფლიო ჩემპიონატის თამაშებისას. სტადიონსა და სახლებში. ჯორჯიიდან საქართველოში. წინ ბორჯღალოსნებო!"
