„იცოდა, რომ კონკურენტებად მამარდა და იაგო ჰყავდა“ - გატუზომ რივეროზე ისაუბრა
„ვალენსიას“ მთავარმა მწვრთნელმა, ჯენარო გატუზომ მატჩისწინა პრესკონფერენცია გამართა და ესპანურ პრესაში გავრცელებულ ინფორმაციას გამოეხმაურა. ესპანეთის სამეფო თასის შეხვედრაში, იტალიელმა სპეციალისტმა ძირითადში გიორგი მამარდაშვილი დააყენა, 77-ე წუთზე კი შეცვლაზე იაგო ერერინი შეიყვანა, რამაც გუნდის მესამე მეკარის, კრისტიან რივეროს გაბრაზება გამოიწვია.
დღევანდელ პრესკონფერენციაზე გატუზოს ამ საკითხის შესახებ ჰკითხეს და ჯენარომ ჟურნალისტებს ასეთი პასუხი გასცა: „როცა კრისტიანი გუნდში დარჩა, იცოდა, რომ კონკურენტებად მამარდაშვილი და იაგო ჰყავდა. მას ვესაუბრე და ვუთხარი, რასაც ვფიქრობდი. ნორმალურია, რომ ბრაზდება, მაგრამ ფეხბურთელებს პატივს ვცემ და მათაც იგივე უნდა გააკეთონ“.
| Directo @DepCOPEValencia | ????
— Deportes COPE Valencia (@DepCOPEValencia) January 5, 2023
????Gattuso sobre el @Cadiz_CF
????”Va a ser un partido difícil. Se defienden muy bien. Hay que tener buena mentalidad todo el partido” pic.twitter.com/ccVf5aEdLz
შეგახსენებთ, რომ მამარდაშვილის „ვალენსია“ მომდევნო შეხვედრას ლა ლიგის ერთ-ერთი აუტსაიდერის, „კადისის“ წინააღმდეგ გამართავს. „ღამურებს“ „მესტალიაზე“ ვიხილავთ და მატჩი თბილისის დროით, 00:00-ზე დაიწყება.
