მამარდაშვილის ტაიმი - ვალენსია ნოტინგემთან დამარცხდა

გიორგი მამარდაშვილის „ვალენსიამ“ ამხანაგური მატჩი გამართა. „ღამურები“ „მესტალიაზე“ „ნოტინგემ ფორესტს“ დაუპირისპირდნენ. გუნდს, რომელიც 1961 წელს, ევროტურნირებზე, საშინაო არენაზე გამართულ შეხვედრაში „ჩეს“ პირველი მეტოქე იყო. ჯენარო გატუზოს ბიჭებმა თავიანთი ქომაგები ვერ გაახარეს და 1:2 დამარცხდნენ.

ქართველმა გოლკიპერმა მატჩი ძირითად შემადგენლობაში დაიწყო და პირველივე წუთზე, სეივი მიითვალა. „მამარდამ“ ლუის ობრაიენს არ გაატანინა. 35-ე წუთზე, მამარდაშვილმა საკუთარი გუნდი კიდევ ერთხელ იხსნა და რაიან იეითსის დარტყმა მოიგერია. 5 წუთში, „ნოტინგემმა“ ანგარიში გახსნა. ქართველმა მეკარემ გამოსვლაზე კარგად ვერ ითამაშა და ტაივო ავონიიმ ბურთი ცარიელ კარში გადაგზავნა. შესვენებაზე ჯენარო გატუზომ ცვლილებები განახორციელა და „მამარდა“ მოედნიდან გაიყვანა.

მეორე ნახევარში, „მესტალიაზე“ შეკრებილმა გულშემატკვრებმა ორი გოლი იხილეს. 58-ე წუთზე, „ვალენსიამ“ წონასწორობა აღადგინა და თავი უგო დურომ გამოიჩინა, 68-ე წუთზე კი „ღამურების“ კარი დენისმა აიღო და საბოლოო ანგარიში დააფიქსირა - 2:1.

შეგახსენებთ, რომ „ვალენსიას“ კიდევ ერთი ამხანაგური მატჩი ელის. 22 დეკემბერს, „ღამურები“ „ალკმაარს“ დაუპირისპირდებიან. შეხვედრა თბილისის დროით, 15:00-ზე დაიწყება.