მორიგი მედალი - ბაზაძის ვერცხლი მონრეალის გრან პრიზე

ხმლით ფარიკაობაში, ორლეანის გრან პრის ფინალში მსოფლიოს ორი გამორჩეული მოფარიკავის, სანდრო ბაზაძისა და უნგრელი არონ სილაგის შეხვედრა შედგა. გადამწყვეტი დაპირისპირება სამგზის ოლიმპიური ჩემპიონის გამარჯვებით დასრულდა (10:15).

სანდრო ბაზაძემ უნგრელი მეტოქე მიმდინარე წლის ევროპის ჩემპიონატის 1/16 ფინალში დაამარცხა, სილაგიმ კი სანდროს ოლიმპიურ თამაშებსა და მსოფლიო ჩემპიონატის 1/2 ფინალში სძლია.

შეგახსენებთ, გასულ თვეში, მსოფლიო თასზე, ხმლით ფარიკაობაში, ქართველმა სანდრო ბაზაძემ ოქროს მედალი მოიპოვა. ფინალურ შეხვედრაში ქართველმა იტალიელი ლუიჯი სამელე 15:13 დაამარცხა. ტურნირის საწყის ეტაპზე სანდრო ბაზაძემ ეგვიპტელი მაზენ ელარაბი დაამარცხა (15:9), 1/16-ფინალში იტალიელი გალო მიკელეს ბარიერი დაძლია (15:10). მერვედფინალში სანდრო ბაზაძემ ფრანგ ჟან-ფილიპ პატრისს აჯობა - 15:9.

ფოტო: საქართველოს ფარიკაობის ფედერაციის პრესსამსახური