ჟირუს და მბაპეს გოლები და რეკორდები - საფრანგეთმა პოლონეთს მოუგო

მოქმედმა ჩემპიონმა საფრანგეთის ნაკრებმა მსოფლიო ჩემპიონატზე თავისი მერვედფინალური მატჩი პოლონეთის წინააღმდეგ გამართა და პოლონეთს 3:1 მოუგო.

პოლონელებმა საკმაოდ კარგი შთაბეჭდილება დატოვეს და 1-2 საკმაოდ რეალური მომენტიც შექმნეს, რის შემდეგაც გატანა მართებდათ.

საბოლოოდ, საფრანგეთის ნაკრებმა ანგარიში მბაპე-ჟირუს ბომბინაციის შემდეგ გახსნა. 44-ე წუთზე „მილანის“ ფორვარდმა „მამლები“ დააწინაურა. ამ გოლით ის ეროვნული ნაკრების ყველა დროის ბომბარდირი გახდა - 52 გოლი.

მეორე ტაიმში პოლონელები ისევ აქტიურობდნენ, თუმცა გოლი კვლავ საკუთარ კარში მიიღეს. 74-ე წუთზე მბაპემ მიმდინარე მუნდიალზე თავისი მე-4, ხოლო 91-ე წუთზე მე-5 გოლი გაიტანა და ბომბარდირთა დავაში ერთპიროვნული ლიდერი გახდა.

დამატებულ მე-7 წუთზე პოლონეთმა პენალტის დარტყმის უფლება მოიპოვა, რომელიც მეორე ცდიდან ლევანდოვსკიმ გოლად აქცია.

ამრიგად, დიდიე დეშამის გუნდი მეოთხედფინალშია და მისი მეტოქე ინგლისსა და სენეგალს შორის გამარჯვებული იქნება.