,,მინიმუმ 1 ქულა უნდა აგვეღო“ - მიქაუტაძე მარცხით იმედგაცრუებულია
საფრანგეთის ლიგა 2-ის გასულ ორ ტურში გიორგი მიქაუტაძის ,,მეცმა'' მხოლოდ 1 ქულა მოიპოვა, ,,ლავალთან'' გასვლით შეხვედრაში ორბურთიანი უპირატესობა დაკარგა და მატჩი ფრედ 3:3 დასრულდა. ამ იმედგაცრუების შემდეგ ,,მეცი'' შინ ,,დიჟონთან'' 1:2 დამარცხდა. საშინაო მატჩის შემდეგ გიორგი მიქაუტაძემ, რომელმაც მიმდინარე სეზონში ხუთივე შეხვედრა სასტარტოში ჩაატარა, ფრანგულ მედიასთან ისაუბრა:
,,იმედგაცრუებული ვარ, ,,ლავალთან'' დაკარგული ორი ქულის შემდეგ მეტის გაკეთება გვსურდა, თუმცა ასე არ გამოვიდა. მინიმუმ 1 ქულა უნდა აგვეღო. მომავალ შეხვედრებს პოზიტიურად ვუყურებ, ხარვეზების გამოსწორებაზე უნდა ვიმუშავოთ და ,,როდეზთან'' მატჩს თავაწეულები შევხვდე''.
21 წლის გიორგი მიქაუტაძემ ლიგა 2-ის ხუთ შეხვედრაში 2 გოლი შეაგდო, 3 საგოლე პასი შეასრულა. მე-6 ტურში ,,მეცის'' მეტოქე გასვლით შეხვედრაში ,,როდეზი'' იქნება, თამაში 30 აგვისტოს გაიმართება.
მიმდინარე სატრანსფერო ფანჯრისას მიქაუტაძის დამატება ინგლისურ ''ბარნლის'' სურდა, თუმცა მხარეები სატრანსფერო თანხაზე ვერ შეთანხმდნენ.