მორიგი მარცხი აკროპოლისის თასზე
მორიგი მარცხი აკროპოლისის თასზე
მარცხი საბერძნეთის ნაკრებთან
მარცხი საბერძნეთის ნაკრებთან
ქართველი ფეხბურთელი ბეტისში
ქართველი ფეხბურთელი ბეტისში
პოლიციამ რონალდუ გააფრთხილა
პოლიციამ რონალდუ გააფრთხილა
Daily Mail-ის სტატია ხვიჩაზე
Daily Mail-ის სტატია ხვიჩაზე
გოგას წასვლა რეალურია?
გოგას წასვლა რეალურია?
კალათბურთელები საბერძნეთში ჩაფრინდნენ
კალათბურთელები საბერძნეთში ჩაფრინდნენ
კვარა რონალდუსა და მარადონას გზაზე
კვარა რონალდუსა და მარადონას გზაზე
საქართველო ისრაელთან დამარცხდა
საქართველო ისრაელთან დამარცხდა
მძიმე დეტალები სასამართლო პროცესიდან
მძიმე დეტალები სასამართლო პროცესიდან
ნაპოლის ფეხბურთელები ხვიჩაზე
ნაპოლის ფეხბურთელები ხვიჩაზე
The Athletic-მა ხვიჩაზე დაწერა
The Athletic-მა ხვიჩაზე დაწერა
პრემიერ ლიგა დაბრუნდა!
პრემიერ ლიგა დაბრუნდა!
ბაიერნის სპექტაკლი გახსნით შეხვედრაში
ბაიერნის სპექტაკლი გახსნით შეხვედრაში
სპალეტიმ ხვიჩა შეაქო
სპალეტიმ ხვიჩა შეაქო
ხვიჩას დიდებული მატჩი ჟირონასთან
ხვიჩას დიდებული მატჩი ჟირონასთან
სანჩესი პსჟ-ში ითამაშებს
სანჩესი პსჟ-ში ითამაშებს
პოგბა ოპერაციას არ გაიკეთებს
პოგბა ოპერაციას არ გაიკეთებს
ტენ ჰაგმა რონალდუ გააკრიტიკა
ტენ ჰაგმა რონალდუ გააკრიტიკა
La Repubblica-ს სტატია ხვიჩაზე
La Repubblica-ს სტატია ხვიჩაზე
ქარის თასი - შავი ლომი გრიფონსისთან დამატებით დროში დამარცხდა
Aa Aa
19 ივნისი 2022  |  11:00

ქარის თასი - შავი ლომი გრიფონსისთან დამატებით დროში დამარცხდა

ქარის თასის ნახევარფინალში ‘შავი ლომისა’ და ‘გრიფონსის’ შეხვედრის ძირითადი დრო ფრედ, 31:31 დასრულდა, დამატებით დროში კი მასპინძლებმა 41:38 იმარჯვეს და ფინალის საგზური მოიპოვეს.

‘გრიფონსი’ ქარის თასის საუკეთესო გუნდი იყო. მან რეგულარული ჩემპიონატი დაუმარცხებლად განვლო და ‘შავ ლომსაც’ განვითარებისთვის საჭირო, სწრაფი და საინტერესო თამაში შესთავაზა. სამწუხაროა, რომ მასთან რეგულარულ გათამაშებაშიც არ მოგვიწია თამაში…

მატჩის საწყისი წუთები მეტოქის იყო. თამაში ორივე გუნდმა მაღალ ტემპში, ხელდახელ ბურთაობით დაიწყო და ჩვენი ნახევრიდან ხელდახელ ორჯერ შევუტიეთ, მნიშვნელოვანი მანძილიც მოვიგეთ, მაგრამ ტექნიკური წუნის გამო ქულების აღება ვერ მოვახერხეთ. საწყის 20 წუთში დაცვაში რამდენიმე ბოჭვა გაფუჭდა, რასაც ორჯერ მოყვა ხაზის გაჭრა და ორი ლელო მივიღეთ. ამის შემდეგ სტუმრები სათამაშო უპირატესობას დაეუფლნენ, მაგრამ პირველ ტაიმში, 10 საკუთარი დერეფნიდან 6 დავთმეთ და მხოლოდ ორი ლელოს გატანა მოვახერხეთ.

ტაიმის შუაში 5-მეტრიანი დერეფნიდან აგორებულ მოლს სანდრო მამამთავრიშვილის ლელო მოყვა. 27-ე წუთზე მოლის შემდეგ ბურთი ხაზზე გავიდა და სანდრო თოდუას გარღვევის შემდეგ ლელოც გარდაუვალი ჩანდა, თუმცა ზედ ლელოს ხაზთან, ოფლოუდის შემდეგ წინთამაში დაფიქსირდა. 36-ე წუთზე ‘შავმა ლომმა’ ძალიან ლამაზი ლელო გაიტანა. ცენტრში აგრესიული დაცვით ბურთის მოპოვების შემდეგ ხაზი ჯერ ლუკა მატკავამ გაჭრა, ის რომ შებოჭეს ბურთი მარცხენა ფრთაზე სწრაფად ჩათამაშდა, სადაც დემე თაფლაძე ორ მბოჭავს გაექცა და ოფლოუდით ლელოში თოდუა შეუშვა. მატკავამ რთული პოზიციიდან ორივე გარდასახა, მაგრამ მეტოქემ ლელოებს შორის ერთი ჯარიმა გაიტანა და შესვენებაზე ‘გრიფონსი’ ერთქულიანი უპირატესობით გავიდა – 15:14.

მეორე ტაიმის დასაწყისში შალვა მამუკაშვილმა და ლუკა ივანიშვილმა დერეფნიდან მეტოქისთვის მოულოდნელი კომბინაცია გაითამაშეს, ლუკამ თავად შეუტია და ლელოთი სტუმრები დააწინაურა, მატკავა კი კვლავ 100%-იანი იყო. აღსანიშნავია, რომ მან არაერთი გასატანი პოზიციიდან ჯარიმა კარში მხოლოდ ერთხელ დაარტყა და ეს 62-ე წუთზე მოხდა, როდესაც ‘გრიფონსმა’ ორი ჯარიმით წონასწორობა აღადგინა და ანგარიში 21:21 იყო.

სამხრეთ აფრიკელებმა ჯარიმით სწრაფადვე გვიპასუხეს და მალე ლელო-გარდასახვით დაწინაურდნენ. დასკვნით წუთებში ‘შავი ლომი’ თავგამოდებით უტევდა და 77-ე წუთზე დამსახურებული ლელო გაიტანა. მოლის შემდეგ თენგიზ ზამთარაძეს მამამთავრიშვილი წამოეშველა და დუბლი შეასრულა, მატკავამ კი თამაში დამატებით დროში გადაიყვანა.

მიუხედავად იმისა, რომ სტუმრები უპირატესობას ფლობდნენ, მასპინძლებმა ჯარიმით და შეუჩერებელი გარემარბის წყალობით 10-ქულიანი ჰანდიკაპის მოპოვება შეძლეს. თამაშის დამთავრებამდე 3 წუთით ადრე მოლი სანდრო ქოიავას ლელოთი დასრულდა და მატკავამ სხვაობა 3 ქულამდე დაიყვანა, მაგრამ თამაშის განახლებისთანავე მარტივ სიტუაციაში ბურთი დავკარგეთ და ‘გრიფონსმა’, რომლისთვისაც ეს მატჩი ქარის თასის უმაღლეს დივიზიონში ასასვლელად უმნიშვნელოვანესი იყო, 41:38 გაიმარჯვა.

რა შედეგითაც არ უნდა დასრულებულიყო ეს თამაში, ბორჯღალოსანთა ნაწილი მის შემდეგ შინ ბრუნდებოდა, რადგან წინ ივლისის ტესტ-მატჩებია. ახლა, თვენახევრიანი აფრიკული ვოიაჟის შემდეგ, ‘შავი ლომი’ სამშობლოში სრული შემადგენლობით ბრუნდება და ბორჯღალოსნები სანაკრებო მატჩებისთვის გააგრძელებენ მზადებას.

ეს გვერდი უკეთ ჩანს მობილურ აპლიკაციაში
YouTube პრომო
ასევე დაგაინტერესებთ
„შავმა ლომმა ისტორია დაწერა“ - ლევან მაისაშვილი
„შავმა ლომმა ისტორია დაწერა“ - ლევან მაისაშვილი