ჯიმი ბატლერის 45-ქულიანი მატჩი - მაიამიმ ატლანტა მეორედაც დაამარცხა

აღმოსავლეთ კონფერენციის საუკეთესო გუნდმა, „მაიამი ჰიტმა“ პლეიოფის პირველი რაუნდის მეორე შეხვედრაც მოიგო. ფლორიდელების მეტოქე „ატლანტა ჰოუქსი“ გახლავთ და ერიკ სპოელსტრას გუნდმა ტრეი იანგი და კომპანია 115:105 დაამარცხა.

„მაიამის“ წარმატების მთავარი შემოქმედი ჯიმი ბატლერი გახლდათ. ამ უკანასკნელმა NBA-ის ისტორია დაწერა, შესანიშნავად იასპარეზა და აქტივში 45 ქულა (პლეიოფში საუკეთესო შედეგი), 5 მოხსნა, 5 შედეგიანი გადაცემა და 2 ჩაჭრა ჩაიწერა. ბატლერი NBA-ის ისტორიაში მეორე კალათბურთელი გახდა, რომელმაც პლეიოფის შეხვედრაში მინიმუმ 45 ქულა დააგროვა და არც ერთხელ დაჯარიმებულა და ბურთიც არ დაუკარგავს. მან დომინიკ უილკინსის მიღწევა გაიმეორა.

The Jimmy Butler game.

45 PTS (Playoff career-high)
5 REB
5 AST
15/25 FG
4/7 3PT

Heat handle business at home and take 2-0 series lead to Atlanta ???? pic.twitter.com/FS5DLGJxVg

— Overtime (@overtime) April 20, 2022

ჯიმის გარდა, ტაილერ ჰირო გამოირჩა, რომელმაც სათადარიგოთა სკამიდან 15 ქულა ჩააგდო, მაქს შტრუსის ანგარიშზე კი 14 ქულა იყო. „ატლანტას“ მხრიდან საუკეთესო ბოგდან ბოგდანოვიჩი გახლდათ - 29 ქულა, 4 მოხსნა, 3 ასისტი. ტრეი იანგმა 25 ქულა დააგროვა, თუმცა 10 დაკარგვა ჰქონდა და 10 სამქულიანიდან მხოლოდ 2 ჩააგდო, ჰანტერისა და კოლინსის ანგარიშზე კი 16 და 13 ქულა იყო.

შეგახსენებთ, რომ ფლორიდაში გამართული ორი მატჩის შემდეგ, სერია ჯორჯიაში გადაინაცვლებს, სადაც „ატლანტა“ მასპინძელი იქნება და მესამე შეხვედრა 23 აპრილს გაიმართება.