კახა კალაძემ ნაკრებთან ერთად ივარჯიშა

თბილისში, საფეხბურთო კლუბ "ზესტაფონის" ბაზაზე, საქართველოს საფეხბურთო ნაკრები ამხანაგური და ოფიციალური მატჩებისთვის ემზადება.

დღევანდელ ვარჯიშს ვიცე-პრემიერი, ენერგეტიკის მინისტრი, კახა კალაძე დაესწრო.

ნაკრების ყოფილმა კაპიტანმა ფეხბურთელები გაამხნევა და მათთან ერთად ივარჯიშა.

კახა კალაძემ საფეხბურთო კარიერა 2012 წელს "ჯენოაში" დაასრულა.