ქალთა ნაკრები ყაზახეთთან მინიმალური სხვაობით დამარცხდა

მიხეილ მესხის სახელობის სტადიონზე რამდენიმე წუთის წინ მსოფლიოს 2019 წლის ჩემპიონატის შესარჩევი ეტაპის "წინასწარი რაუნდის" შეხვედრა დასრულდა. 

საქართველოს ნაკრებმა ყაზახეთს უმასპინძლა და დაძაბულ ბრძოლაში 0:1 დამარცხდა. შეხვედრის ერთადერთი გოლი 34-ე წუთზე გავიდა, რომლის ავტორიც ყაზახთა მცველი - იულია ნიკოლაიენკო გახდა. 

ლევან ბაჯელიძის გუნდმა შემდეგი შემადგენლობით ითამაშა: 

სუხაშვილი, ჩხარტიშვილი, სუთიძე, ქველიძე, სხირტლაძე, პასიკაშვილი, დანელია, ბაქრაძე (გორგაძე, 84), ჩემინავა (ჭიჭინაძე, 68), გაბელია (კაპ.), ჭყონია. 

ჩვენი გუნდი მომავალ შეხვედრას, შაბათს, 8 აპრილს, ასევე "მიხეილ მესხზე", ესტონეთის ნაკრების წინააღმდეგ გამართავს. თამაში 16 საათზე დაიწყება. 

შეგახსენებთ, რომ საკვალიფიკაციოს შემდეგ ეტაპზე, 4 ჯგუფის გამარჯვებული და 1 საუკეთესო მეორეადგილოსანი გავა.